一年容易又中秋

唔睇日曆都唔知已經係中秋節!  天氣仲係好炎熱, 一絲秋風送爽都冇, 睇怕今年都係直接凍架喇!  一早已經收到好多中秋節恭賀 message, 簡直洗版!  我最鍾意呢幅圖

小慈小明依然只係返半日學, 電腦非常唔爭氣地 boot 極都 boot 唔起, 爸爸靈光一閃認為係塵太厚部電腦窒息, 即刻拆開睇睇

真係呀!!  D 塵成吋厚嚇親街坊!  Case 放地下都好難避免有咁既情況

為報答爸爸, 弟弟親手煮左個麵仲加埋隻蛋, 爸爸表示欣慰~

餵飽爸爸先至煮俾自己食, 真乖!

做節, 當然要邀請爺爺啦

咁好餸要影相引誘下現身處米字國既家姐姐夫 XDDDD

爺爺買來即開即食鮑魚, 配菜心真係一流

鮑魚小王子直情用鮑汁撈飯!  食得超快!!

一年一次天台點火又開始!  一盒蠟燭玩足幾年真係抵到爛

$15 買左把火槍都非常好用

火力強勁

Moon 姐姐出來了

忽發奇想要燒 notes!!  攞暑期班既補習 notes 黎燒, 竟然開心到不得了!!  超級痛快, 極之療癒咁話 @.@

有位年輕人在縱火.....超級開心!!  興奮到差 D 瞓唔著!  極度希望日日都係中秋節! 

應節都要猜下燈謎, 我識晒呀! 

觀塘海濱有一輪明月, 勁逼真!

點知追月日, 月球就墮海了

竟然話佢似打邊爐既生根, 仲要海底撈月, 真係笑死我了 XDDDD

中秋節快樂 ^^