呢幾個月我真係覺得小慈突然長大! 突發標高我已經要仰視佢!! 媽媽放大假就好好地同我個乖女二人世界先~
第一站我地去換智能身分證, 我原先係想同埋爸爸 3 個一齊換, 點知 D 期原來好爆, 我地又好想去呢間新開既沙田換領中心, 於是 3 個分開晒
第二站我地去做 facial 同剪頭髮! 我 time management 簡直 excellent, 先係小慈做 facial, 跟住我帶佢去剪頭髮交低俾髮型師就到我做 facial, 我 facial 完見小慈都未攪掂就到我剪髮焗油, perfect!!
係小慈自己提出既, 佢話佢想試下做負離子, 將佢前面既攣毛整走晒! 佢 D 頭髮太頑強, 要落兩次藥水先攪得掂
定型
好靚呀!!! 坐足 4 個半鐘係值得架!!
負離前, 負離後, 好靚女 ^^
Mom and Mini Mom XDDD 爸爸話我同小慈簡直一模一樣!!!
由 10:30 am 開始做 facial 到而家 5:00 pm 飯都未食, 要飲杯珍奶吊命! 呢間吃茶三千係我飲過最貴既一杯珍珠奶茶, 但又真係好好味, 包裝又好靚啊~
兩個都高左等我度下先! 真係呀! 半年來小慈高左 3.5 cm!! 小明淨係呢個月都 1.3 cm, 要 keep 住個氣勢!!!
今日約左牙醫專科醫生, 小慈有兩隻大牙打橫出唔到, 頂住前面隻大牙亦令到之後既智慧齒都打橫生! 牙醫姨姨建議剝左佢叫我地聽埋專科意見, 因為怕隻大牙太近神經線, 於是 book 左成個月先 book 到今日
2021 年 7 月 21 日亦都係小慈既大喜日子, 佢今日終於大個女喇!!! 等到頸都長大姨媽終於黎 visit 佢!! 亦都因為咁, 同佢 on the way 搭地鐵去睇專科時佢突然話好暈就擘拍暈左係我膊頭, 我扶佢唔住坐左落地下時仲抽筋!! 嚇到我即刻叫途人煞停架車, 扶左佢出月台坐等職員幫手, 用輪椅推小慈去休息室! 好在拍小慈有反應, 如果唔係 call 左白車入急症架喇!!!
係休息室飲左兩杯暖水, 伏係枱面休息一陣就好 D, 塊面有番血色! 佢頭先面青唇白雙眼反白真係成個死人樣我仲歷歷在目...... 嚇死媽媽了! 頭先太緊張唔記得講, 係月台等候時, 有一位小姐讓座俾小慈之餘仲問我可唔可以幫妹妹祈禱? 感謝神! 我當時淨係心裡面叫 "主耶穌! 主耶穌! 幫助小慈" 都唔能夠完整咁祈一個禱, 非常多謝呢位姐妹為我地禱告!!
小慈血壓係有 D偏低啦! 下次 M 記住唔好出街
2021年 7月 21日, 今日小慈經歷左好多第一次, 記住呢個日子!!
唔駛去睇兒科專科, 冇 late puberty 問題了! YEAH!! 不過另一個專科話要剝 2 隻仲係牙肉入面出唔到既大牙, 要做小手術, 3 萬元正 @.@ 小慈, 只想你身體健康!!
