傳聲天使

自從小明都上埋中學, 我轉左份工又冇以前咁大壓力, 多左 D 空閒時間用黎煲劇都唔係辦法, 咁岩碌到面書有張 poster 內容好有趣, 課程又好切合我個好朋友仔既需要, 於是大家一齊報 幸福傳聲基金會 舉辦之 第 11 屆傳聲天使義工基礎培訓課程!  

就係呢張 poster!  我見到已經好開心, 因為其中一位講員竟然係識於微時既弟兄, 咁多年冇見佢已經成為基金會既主席!!  感恩天父大大力使用佢, 冇諗過可以上佢堂!!  呢個課程好豐富, 每位講員都係佢既專業範疇內同大家分享佢地非常豐富既經驗, 既實用又貼地!  我地做基督徒係好有愛心, 但有愛心外尚要有技巧有知識先可以幫助關心其他人, 尤其係有特別需要既人!

同好朋友仔 Josephine 上第一堂後影相留念, 估唔到呢堂之後就爆第四波, lesson 2 - 13 全部用 zoom 上, 冇得每個星期上堂前一齊食飯傾偈添~

課堂裡面我學到既野好多, 不約而同地好多講員都教我地關懷技巧不外乎:

「與憂傷者同愁, 與哀慟者同憂, 與流淚者同泣, 聆聽不批判, 陪伴亦尊重」

言者無心, 聽者有耳, 口可以出金蘋果亦可以發放毒蛇, 完全冇諗過 "我明白你既感受" and "無事既" 都會觸及地雷, 唔上堂真係唔識, 自己都曾經好心做壞事, 傷害左人都唔知

亦要認識自己及為自己設限, 先幫助自己了解自己才可以幫助其他人, 有口號架:

「傳聲天使」Go go go

不要以為自己「乜都做到」, 亦不要以為自己「乜都做唔到」!

估唔到最後一堂可以實體形式復課!!!  呢個班房只係黎過一次, 好在隔左幾個月都未失憶識摸上去!  秋秋仲擔心我盪失路, 矛事!!

課後頒發證書, 我 14 堂返齊, 全勤呀!!!  可惜 Josephine 今日跌親受傷, 未能見證呢個 magic moment~  由主席暨認識多年既弟兄林海手上接過證書真係別具意義!  多謝你!!
 

阿賢幫忙主持, 聯絡 & 安排課堂, 真係辛苦晒!!  未完架!  畢業才是開始, 之後要幫手做義工 ^^

大合照

基金會都有發放我地畢業既消息~

影埋鍾意上堂坐前排既我 XDDD

Kerry, Pastor Neil & Diana  分享少數族裔在港既心聲

希望天父可以使用微小的我