小慈乖女 15 歲喇!! 已經高過我有 162 cm, 條腿好長, 手手腳腳更大隻過我要著 39 號鞋, 頭髮呢幾個月波浪得好緊要, 我成日笑佢係八爪魚頭, 飛起晒 D 毛, 佢甩出黎 D 頭髮直情成條公仔麵咁, 攣得好誇張!! 除左個樣 baby face, 行為舉止仲係好 BB 之外, 15 歲真係大個女架喇! 適逢生日撞上統測第一日要溫習冇得預祝, 唯有將生日變成生日週令快樂延長, 氹乖女開心啦!! 一早起身眼都未擘大就收生日禮物係我地屋企既傳統, 不過小慈話眼腫腫唔好影相住 :D
小明弟弟今年有用自己零用錢買左兩支彩虹筆送俾小慈家姐, 又畫公仔仲寫左成大段野睇到小慈眼濕濕~
Touch Screen 手錶一隻, 估唔到小慈咁開心咁鍾意, 簡直雙眼發光! 佢話而家隻錶已經戴左 5 年, 唔明自己以前點解會鍾意粉紅色云云.... (即是嫌棄啦 -___- ) 新錶要叉電, 一放學就戴住出去補習, 係咁話好型呀! 又可以計心率, 計步數, 睡眠質素, WhatsApp, IG 訊息提示等等... 好多野玩超開心極滿意 ^^
由小明弟弟做代表頒贈生日禮物俾壽星家姐
附送香吻一個
補完習已經好晏, 只夠時間一家人出去食飯慶祝, 小慈 15 歲喇~~
壽星要食 buffet, encore 上次一應俱全, 又近, 價錢又合理既酒店
今次仲有窗口位坐添
小慈食左好多塊煎鴨肝, 又食麵包蟹蓋, 勁多生蠔長腳蟹, 回本呀!
終於補完習既弟弟都後來居上, 我地已經停晒手佢仲食緊
酒店送甜品砌既蛋糕, 今次終於有朱古力牌, 不過實在太飽塊牌又太靚, 我地決定攞佢走用盡佢
我地都預備左生日雪糕蛋糕送俾小慈乖女, 純影相, 完全食唔落....
小慈話要影醜樣版喎... 大家都好配合 XDDD
仲有生日禮物架! 呢部發光香薰機要入黑先睇到個效果! 壽星對所有禮物表示極滿意! 佢話淨係隻錶已經夠開心 (早知留番下年再送啦 XDD)
3 日既統測終於完成! 本來小慈正日我請左一日假, 而家將呢日切開變成兩個下畫, 神神秘秘咁一放學就帶小慈出街, 當然驚喜啦! 細個既時候, 小慈已經被貫以「女長人」既稱號, 你睇佢手指長我幾多!! 唔知會唔會變 model 呢?
Da La~~ 神秘既生日慶祝節目就係新開既「合味道紀念館」喇~ 要預先買門票先可以參加活動
做咩呢? 唔通食杯麵?
係創造自己既杯麵呀 ^^
每人一個杯畫上你喜歡既圖案, 再揀選自己心愛既杯麵口味
小慈好用心去畫公仔
弟弟都好努力, 不過畫畫真係唔係我地一家既強項
完成!! 小慈畫左好多表情符號
我地既作品
幫杯麵入餡
要將個麵餅倒轉入杯先, 咁 D 餸先會係面
好多材料, 真係咩都想試下
封蓋
套上收縮模真空處理, 杯麵可以保存 3 個月 (我地第二日已經沖左黎食喇, 超好味!)
送埋充氣袋方便你將杯麵帶走
型呀!
打咭位
跟住我地參加第二個活動, 全球首發既「穀物麥片工作坊」
先睇影片
佢地話隻手有紋身
幫手將枱面既材料切碎裝入杯, 弟弟抹晒人地成張枱啦
又到發揮創意既時候
呢個工作坊得 4 張枱 16 個人參加, 真係手快有手慢冇
被偷拍! 爸爸成日話我好似唔存在咁要影下我喎
咁唔該影得我靚 D 丫
小慈隻 Among Us 畫得好靚, 仲有漸變色添!
呢度 D 職員好樂意幫大家影相, 所以我地今日有好多合照 :)
入餡最興奮, 是日精選係草莓口味 & 配料腰果, 佢地超鍾意士多啤梨乾
穀物果仁係我 D friend 黎架 ^^
因為冇防腐劑呢 4 杯野要一個月內食晒! 矛問題! 一個星期已經唔見左 XD
佢地話最開心係入氣袋, 爸爸泵得太脹個杯隔左一陣扁左 XDDDD
繼續打咭
杯麵結構圖
呢幅杯麵牆真係好震撼, 我地都係鍾意海鮮味
你睇弟弟幾勇猛
滿載而歸
杯麵漫畫
仲有一個造麵既工作坊額滿我地報唔到, 不過可以買埋手信先走
金杯麵 & 金公仔麵在身後, 我地買左兩包穀物 & 兩隻公仔麵碗, 正呀!
小慈以為今日既晚餐就係杯麵!! 笑到我丫 XD 話晒生日週, 梗係預 D 好野你食啦!
最期待既咋咋聲牛扒
Outback 送生日 cheese cake, 小慈今年生日吹左 3 次蠟燭, 開心嗎?
生日壓軸驚喜! Happy Friday 請同學仔返屋企玩!! Candy, Ruby, Renee & Minnie 同小慈最老友, 本來舊年聖誕已經約好左, 疫情拖到今日先黎到
同學仔送生日禮物俾小慈! 好得意呀~ 隻綠色野已改名 BB
老師都有送生日禮物真係唔話得! 要好好保存先~
上天台玩俾螳螂仔搶晒鏡
開心到 post 晒 IG
面書 look back 當年今日我地點樣幫小慈慶祝生日, 真係年年都咁精彩! 小慈你睇下我地幾錫你!
小慈當然知! 佢話佢 D 同學生日得個蛋糕, 有時仲會冇人記得添架! 咁又極端左 D, 當然我始終認為生日應該對生你既媽媽有表示先係最正確啦!
Happy Happy Birthday 乖女! 祝你揀到合心水既科目, 讀書得心應手, 繼續健健康康, 開開心心!
We love you very very much!
沒有留言:
張貼留言