由 7 月中開始取消實體崇拜到而家已經兩個月, 都已經分階段復課, 但仍然未有聲氣可以恢復宗教活動! 教會已經取消左好多恆常既活動例如兒童崇拜, 兒童詩班, 幼稚級主日學, 暑期聖經班, 暑期音樂班, 中學生生活營, 聖經問答比賽等等, 可以網上做到既全部都上網, 舉例如崇拜, 主日學, 團契, 周四學堂, Alpha Online.... 原來, 主日學結業禮都可以網上舉行呀!!
太開心有結業禮, 我地一人一機坐定定等開始
80 人一齊 mute 左自己把聲係屋企唱主日學校歌都幾有趣
之所以要一人一機因為要點名, 一人一個 account, 小慈小明已經學識左揀自己鍾意既圖片做綠幕, 我冇註冊所以連相都冇 XD
一如以往有頒獎時間, 鼓勵大家不論環境方式如何改變都勤讀愛慕天父既話語!! 弟弟有勤學獎呀! 下一季開始就升級去少年級
小慈都有勤學獎, 逢星期六下午網上團契之後就到網上主日學, 次次都有出現, 小慈好乖架!
嘻~ 原來我同秋秋已經入左研經課程 (好高級啊), 仲得到金獎真係受寵若驚!! 辛苦各位傳導人牧師教導就真!
頌恩校長話歷史性地第一次成功舉行網上結業禮, 80 個弟兄姐妹齊心出席, 請大家開 cam 影相記錄呢個歷史時刻! 我都影番張先 ^^
星期六日就係清功課同練習既時間, 有地理歷史數學疑難, 梗係要問爸爸啦!
慶祝我地全家都得獎, 我地今晚仲食大閘蟹添! $128 / 隻, 重 5 兩, 好精靈呀佢地!
小明超鍾意食但我地怕太寒涼只係俾佢食蟹腳同一啖仔蟹羔, 大叫唔夠喉呀佢!
於是要求食回鍋肉, 影埋相畫埋圖俾我話要食呢罐, 笑死我了!
爆羔既畫面真係好開心
主日學, 主日學將聖經教導人, 老年人少年人來與真理親近! 我地真係好鍾意返主日學架!! 我地更鍾意實體返主日學, 希望可以快 D 放寬措施俾我地返教會啦!
沒有留言:
張貼留言