慶中秋

都唔知 2020 做過 D 咩話咁快又到中秋節, 鑒於限聚令未放寬, 一家人做節就黎我地屋企啦!  已經 3 個月冇見過爺爺姑媽姑丈昊昊, 青年人個個高大威猛面珠有肉, 大人個個 keep fit 有道, 疫情下反而減磅控制得宜, 好叻叻呀!!

慶祝中秋梗係要上天台曬下月光點下蠟燭應節啦 ^^

之前姑媽送既閃光燈仔係時候拎出黎增添節日氣氛

幾靚!  青年人嘩嘩聲

加埋手機燈效果如何?

今晚好舒服, 有提議天台鋤大弟, 3 個孫即時和應

簡直係考爺爺眼力, 要有支私家燈先睇得清楚, 笑死

近期愛上鋤弟的小慈今晚好開心

意猶未盡未肯收檔, 都係落番樓下繼續鋤, 玩到唔捨得走!  :DDD

之後, 鑒於我地全家, 尤其係弟弟, 真係超級鍾意食有咸蛋黃既蓮蓉月餅, 我俾左個驚喜小明子!  

好大個月餅呀!!!  大過弟弟塊面!  你估下入面有幾多個咸蛋黃??

十全十美, 係 10 個呀!!!  足足 10 個呀!!  無論點切舊月餅都一定有咸蛋黃唔駛爭 :DDD

一家人團聚幾時都係快樂的事!  中秋節快樂~~