準備開學

仲有唔夠一個星期就開學了, 註冊時訂左既書同校服終於有得攞!  支持環保加上疫情下經濟困難, 我地今年有用舊書, 作業當然要全新啦, 點算下貼下名, 係時候整理下個書櫃啦!

乾淨企理整齊, 讚!

check 下做晒暑期功課未, 弟弟朗讀小慈家姐既作文中.....

仲有一中一英既閱讀報告未完成

2 本暑期作業, 大量中文功課, 2 個讀書報告.... 小慈做晒了!!!

整理書櫃時仲俾我發現寶物!!  唔講真係唔知弟弟視佢床上既所有毛公仔為寶物!  唔怪得朝朝鼻敏感寧願打乞嚏都唔肯收埋 D 公仔啦~

弟弟竟然有篇作文 81 分!  好高分啊~

有蛇仔呀^^  又真係作得幾好喎!  老師話佢切題, 內容充實, 條理清晰, very good!

仲有一篇真人真事記錄弟弟第一次得獎牌既經過!  雖然冇上一篇咁高分, 但我都會好好幫你 keep 起架!

佢地細時既畫作, 一睇就知係弟弟畫既 :D

張張都話愛爸爸媽媽既, 梗係我個乖囡啦 ^8^

有新校服就可以去影證件相, 弟弟話好鍾意條長褲有皮帶仲可以插袋, 型呀!

開學前驗眼, 小慈保持 100 度近視冇加深

弟弟就深左 100 度, 而家左右眼都 450 度, 要換過副眼鏡.... 

跳多 D 生高 D!  每日跳 120 下刺激腳板希望可以快速生長 :D

差少少咋..... 1 cm 既差距, 小慈快 D 高過媽媽啦!

好接近 ^^

加油!!

薯仔收成日

我地屋企個天台真係好駛好用, 疫情時期更加重新愛上佢, 得閒就上去走番轉呼吸下新鮮空氣!  但我好怕上天台, 次次上去都幾塊蚊爛咁落番黎, 咪攪!  不過今日聽到佢地係天台大叫, 忍唔住上去裝下, 原來之前種落既薯仔有收成喇~~~

唔掘都唔知入面原來有好多舊

順便除埋雜草, 鬆番 D 泥再種過

掘極都仲有, 太細粒既就照放番入泥

好壯觀呀!  咁細個盆竟然可以有咁多粒收成!

爸爸仲砌左個棚架俾所有攀藤植物去依附下

路邊成日都見既小黃菊, 爸爸攞左一條黎種又真係長得好茂盛喎!  希望快 D 開花仲靚

唔打開都唔知我盆茉莉花 D 泥竟然好似陶泥咁黐住晒 D 根, 吸唔到水唔怪得越開越少!!  沖左好耐先沖得走 D 陶泥

換大盆再加番 D 靚泥, 希望茉莉花重現昔日光彩

你睇我 D 玫瑰, 明明買個時係黃色, 花開花落幾轉次次都開唔同顏色, 好神奇!

意外發現, 螳螂 BB 返黎搵弟弟, 開心到不得了!!!

呢隻螢光綠真係超得意 ^^

玩到唔願放手

溫柔的小明, 玩一陣放番入泥, 好快跳走左!  你要食多 D 大隻 D 呀!

螳螂好鍾意我地屋企, 成日都返黎生蛋架

玩完螳螂到玩毛蟲

左右開弓

好痕呀!  好痕呀!

係時候返去洗手食薯仔喇喂~

我地錯過左薯仔最 juicy 既時間, 種得太耐有 D 乾, 不過用佢地黎氣炸都好甜好好食, 極速掃清!

全球直播的婚禮

 8.22 係進殷 & 靜恩既婚禮, 本來一早已經 mark 住左呢日, 可惜疫情下婚禮只容許 20 人參加, 我地教會至少都四五百人, 亦有海外既弟兄姐妹, 新郎新娘決定舉行網上直播, 大家安座家中一同見證呢場全球直播既婚禮!  

進殷哥哥係弟弟既主日學導師, 靜恩姐姐亦幫手兒童崇拜, 佢地結婚小慈小明非常開心!

典禮開始了!  好耐冇見過吳生

伴娘, 新娘進場

進殷 & 靜恩既彼得團團友導師為一對新人送上驚喜, 由田傳基作曲, 廿幾人各自錄音再夾埋一條 video 播出, 超勁!  超好聽呀!

喊晒...... 真係好感動!  這種愛何等珍貴!  為你地有咁好既弟兄姐妹而感恩!

簽名了!  支天鵝筆真係好靚~~

禮成!!  恭喜劉生劉太!!

新郎作左首歌俾新娘, 自彈自唱, 好 sweet 呀!

好好相愛, 共走人生路!

靚仔靚女, 恭喜晒你地呀!

送禮物俾爸爸媽媽, 一對襯家錶, 好乖啊!

兄弟姐妹係弟兄姐妹, 這雙重身份非常寶貴!!

你地得左喇!

好感動!  替你地開心!  要一直恩恩愛愛, 殷上加恩啊~~  恭喜!  恭喜!!