菠蘿成熟時

我地兩個菠蘿仔早在 5 月既時候已經成形, 一直等 3 個月佢先至變得金光澄澄, 爸爸一聲令下, 我地今日收割喇~~~

爸爸決定用較剪剪佢出黎

好可愛呀!!!  小慈小明對手仔配迷你菠蘿好得意呀!

卡擦一聲就剪左個菠蘿出黎, 佢既原生盆千奇唔好掉, 繼續淋水, 佢會再長新葉又會生多幾隻菠蘿出黎, 呢種繁殖方法真係好特別呀!

我地準備食菠蘿了, 切左出黎既菠蘿頭再浸水, 等佢生根再種番落泥, 咁一棵新菠蘿又會再長成, 好奇妙

弟弟每次上天台都好努力咁幫菠蘿除蟲除雜草, 又淋水又施肥, 等左兩年就係等今日!  第一次食樹上熟既生果, 真係香到不得了!  超甜!  超好味!  以後食唔番呢種菠蘿點算呀?!!!

兩年來我們的菠蘿成長日期 ^^

天父既創造真係好巧妙, 好神奇!  Life is amazing!