Urban Cafe

 醫生非常勤力, 半年前約今日同小明驗眼都冇因為疫情而取消或改期, 咁醫生開門我地梗係照應診啦, 改期又唔知要改到幾時

滴左眼藥水半年, 戴住眼鏡小明都讀到錯晒就肯定佢近視深左, 上次驗眼已經相差 50 度, 醫生話可以唔換眼鏡住, 但今次再深 50 度, 前後差 100 度就要換了, 最新數字係左右眼各 450度, 左眼更有 50 度散光  V______V  眼藥水要再滴多半年, 如果近視再加深眼藥水就要再加強

一場出到黎旺角又差不多到午飯時間, 心水清既小明突然使出佢既閃令令大眼睛問我可唔可以去貓貓餐廳, 雖然有限聚令但我地而家兩個人就岩岩好.... 嘩!  咁都俾佢諗到!  都要上網 check 下餐廳有冇執左笠, 如果冇執笠今日又有冇開門先得架.... 依, 又照常營業喎!  於是我地睇完醫生就去等貓貓餐廳開門

好多貓貓呀!!!  全部係晒廚房前面好似等開餐咁呀 ^^

弟弟二話不說就即刻去摸貓

門口有一隻

窗台有兩隻

我地張枱應該係壽司既勢力範圍, 無論我地餐前定餐後佢一見我地張枱有位就即刻瞓上黎, 仲真係瞓著左, 我地玩左佢條尾同肉球好耐 :DDD

弟弟最鍾意龍眼, 佢應該係貓貓 cafe 入面年紀最細既一隻貓, 一望就知佢細隻 D 同埋異常活潑!  睇得黃阿瑪多弟弟已經學識點同貓玩, 又識拍臀臀同吸貓 ^^

用餐時間 90 分鐘, 仲要食晒野先可以餵貓, 我地拿拿聲叫野食先!  D 貓真係好肚餓, 你睇佢猴住弟弟碗湯, 呢張相好得呀 :D

弟弟最愛三文魚同飲湯, 我飲紫薯 Latte 同食沙律, 好好味呀!

職員放出貓球, 成班貓貓玩到入晒枱底!  我影呢張相既時候, 弟弟碗湯就俾貓貓偷飲左 :DDDD

食飽喇!!  食飽就可以餵貓喇!  職員姐姐一開罐罐, 所有貓貓都即刻豎起耳仔湧晒埋黎,  弟弟行埋去牆角餵唔好阻住其他人用膳

你睇弟弟笑得幾開心

弟弟最開心最鍾意貓貓企起身攬住佢對腳問佢討食

呢隻乳酪最叻, 識得摸弟弟手手叫佢搬隻匙羹埋黎, 好斯文

為左每一隻貓都食到, 弟弟成日都移位, 貓貓為左食大家都貼到好埋完全冇 social distance, 食食下貓貓仲 kiss 添呀!

群情真係好洶湧

乖, 人人有份永不落空

話咁快就餵完喇, 死心不息既壽司連吉罐都要 lam 埋

平時佢地係咁樣開餐架 :D

貓貓真係好靚好得意, 弟弟完全唔捨得走

Urban Cafe 開左分店, 除左旺角仲有觀塘, 一部分既貓都過左去另一邊

我地仲 keep 住呢張貓貓點名紙, 芝麻冬菇山楂朱古力今日都見到

我地兩個食左午餐連埋一罐 $18 貓罐頭用左 $261 玩左兩個鐘, 對貓貓有興趣又係附近想食晏既朋友仔可以黎呢度呀!