遠近慈明: 7月 2020

2020年7月24日星期五

Salon 捐頭髮

日日都 34 度以上, 10:00 am 已經要開冷氣, 望住小慈 D 頭髮, 太長喇! 真係太長喇! 一直都唔肯剪, 我話一係就再留長 D 捐左佢? 小慈一口應承! 就在今天, 我地決定捐左佢喇!

小慈小明第一次入髮型屋, 係咁話呢度好高級 :D

其實小慈 3 歲時入過髮型屋坐車車剪過一次頭髮, 不過佢當然已經唔記得左, 今次就係第一次瞓係度俾人幫佢洗頭, 佢話水喉 D 水一掂佢就起雞皮, 笑死我 :DDD

洗乾淨後徹底吹乾, 用間尺度岩 10 吋用橡筋紮好, 髮型師用刨慢慢沿橡筋頭剪開

一條馬尾除除落下, 剪完頭髮既小慈個樣出奇地似我!

剪髮前, 剪髮後! 留左兩年先有咁既成果架

弟弟攞左小慈家姐條辮黎玩

跟住到弟弟洗頭, 佢話個頭從來都未試過洗得咁徹底, 好爽呀!!

兩邊鏟青唔該

夏天新形象, 清爽 ^^

剪完頭髮竟然叫肚餓, 一人一個茶餐食晒!

太耐冇出街原來 D 鞋已經唔岩著, 一人買一對新鞋著住返屋企

我地決定捐 D 頭髮去美國既 Locks of Love

要 10-12 條馬尾先夠整一頂假髮, 需要大家努力捐贈

將頭髮用保鮮紙包好寄去呢個地址就得架喇!

2020年7月23日星期四

學校原定延長一個星期 7月25日先開始放暑假, 多出既一個星期就俾六年級打防疫針, 處理班務, 影畢業相等, 可惜人算不如天算, 一個第三波所有學校提早 7月13日放暑假, 預定既所有野都取消晒冇得做!

小明原來非常渴望著畢業袍影畢業相, 於是我打電話返學校問攝影公司資料, 可唔可以攞件袍出去影? 點知學校話佢地係冇袍既, 以往都係借用攝影公司既道具係禮堂影相, 攝影公司仲要連影樓都冇, 鼓勵我地出去其他公司影..... 真係估唔到, 上次謝師宴同校長深情對話時應該問下校長點解學校冇畢業袍先岩 V__V

想起教會智賢同小明一齊升中, 佢岩岩先影完畢業相唔知可唔可以借佢件袍呢? 嘉良叔叔一口應承!! 佢地學校件袍仲可以外借到 8 月中先還番俾學校, 可以借我地一個星期呀! 真係太好喇!

趁陽光普照, 我地上天台影靚相

藍天白雲又有山景, 幾靚 :DD

弟弟既目標 -- 高過爸爸!!

小慈家姐都攞埋佢隻畢業公仔一齊影

我戴四方帽畢業喇, YEAH!!!

事不宜遲, 第三波疫情越趨嚴重日日都過百宗破紀錄, 政府仲研究緊禁足令關閉商場, 嗱嗱聲出去剪頭髮影畢業相先~

弟弟好靚仔啊~~ 媽媽心心眼中 ^^

大個仔喇! 期待你大學畢業 :)

天父真係好愛你, 你心所想既, 所渴求既, 都為你成就!

You Did It!! Well Done!!

2020年7月20日星期一

鋤大 Dee

疫情一發不可收拾, 確診數字幾何級咁上, 星期日 108 宗真係堅驚.... 再係咁落去就要 lock down 架喇... 太多隱形傳播鍊, 好多都搵唔到源頭....

又再開始 work from home 既生活, 最開心既當然係小慈小明啦, 有爸爸媽媽陪住丫麻! 上次 WFH 同佢地切磋麻雀, 今次就切磋鋤大 Dee! 而家夠大個先可以領會到鋤 Dee 既精要, 要識推斷又要識運算, 知道被炒既可怕 :DDDD

除左技術, 運氣都非常重要, 呢位小朋友隨手都有副同花順, 有一舖仲兩條骷髏大 Dee 加 pair 煙 3 炒我地三個..... 真係無言呀! 好野好野, 厲害厲害, 真係青出於藍!

小慈扁嘴, 爸爸冇眼睇, 得勝者透出勝利自信既笑容....

承歡膝下現代版 ^^

呢位爸爸又陪你地打機, 又成日煮好野俾你地食, 梗係鍾意到佢暈, 黏到佢實啦 :D

醒目呀我, 圖書館暫停開放前借定大量圖書, 俾小慈小明做 book report 同埋閒時多閱讀, 正!

未見曙光, 袁醫生話第三波疫情要兩個禮拜先會見頂, 大家乖乖地留係屋企, 唔好加重醫護人員負擔, 隔離防疫中心得番 1 成空置單位咋....

口罩要戴得岩先有用, 要除就除好 D, 掂過口罩都要洗手

混亂的 2020 年, 呢個日曆真係描述得非常好

唔好咁啦, 留係屋企都可以好開心架

希望在明天! 唔好鬆懈, 亦唔好俾自己抗疫疲勞, 有時間留係屋企同屋企人一齊更要好好珍惜!

2020年7月12日星期日

簡單而隆重的助道主日

本來諗住所有野由 7 月開始慢慢回復正常, 點知第三波疫情爆發, 由星期二開始單日新增 9 宗, 14 宗, 至少 10 間中小學牽涉要即時停課, 教育處仲宣佈 7月13日星期一開始所有中小學幼稚園提早放暑假!

隨後幾日確診數字不斷攀升, 30-40 宗咁爆, 原先取消網上崇拜都即時加番條 link, 由於事出突然, 我地有事奉在身既弟兄姐妹照樣做足安全措施返教會

好耐好耐都冇獻詩, 今日獻唱在基督的愛裡, 詩歌十分感人! 戴口罩唱詩吸氣呼氣都幾辛苦, 我偶然買左個口罩架頂住效果都唔錯

導師獻詩 -- 心

簡單而隆重既助道部職員就職禮因疫情關係, 第一次在崇拜程序中進行

立志去服侍弟兄姐妹

多謝弟兄姐妹支持我地職員連任

奉獻我身心為主作工作

牧師為所有團契職員導師祈禱祝福

弟弟升上中學都隨班別而升團了

我地教會總共有 12 個團契, 總有一個岩你

今年助道會主題係以愛相繫

呢位小朋友愛心服侍幫我地揹晒 D 袋, 願天父親自報答你既勞苦!

據聞黎緊兩個星期實體崇拜又要取消..... 大家記得保重身體, 少出街, 勤洗手!

2020年7月10日星期五

MVP+

話說, 小慈參加左一個網上比賽得到金獎 (詳情遲 D 收到獎先再 post), 爸爸好開心想獎勵佢, 於是靜雞雞買左個 MVP+ 諗住等佢考完試就送俾佢! 到弟弟第一志願放榜, 已經出左街食飯慶祝, 但隻衰仔不停話餐飯食完就冇左都想要禮物, 佢用小慈家姐舊書慳到既錢都值得買禮物俾佢云云.... 咁究竟佢想要咩呢? 原來佢想要一個身份 -- Minecraft 裡成為 MVP!!