新舖開張

美芝有份投資既餐廳今日新開張, 邀請我地去參加開幕典禮, 真係好榮幸呀!

間舖係荃灣, 我地搭一程巴士就到, 非常方便

簽個大名先~~

靚相影多幾張 ^^

見到已經考完 DSE 既琳琳氣息非常好, 染左個靚髮又肥左少少, 真係非常欣慰!  我地晚晚為你考試祈禱, 為你求平安架!

呢個係琳琳既表弟仔, 好得意呀!

ToNick 既恆仔係今日既嘉賓, 見到你好開心, 小慈小明好鍾意你地首長相廝守

間舖好骨子, 3 間不同店舖一人一層

物輕情義重, 我地送左枝環保花俾美芝姨姨

有舞獅賀喜

玩拋財神公仔, 小明話舞獅拋左一隻俾佢, 仲俾舞獅咬手臂添, 笑 C 我 :DDDD

剪綵~~  美芝好開心呢 ^^

切燒豬

小明非常期待師傅切完燒豬有得食, 食左好多, 又有得去水吧任點任飲, 超正!  小明仲話今日第一次參加舖頭開張, 原來有咁多儀式程序, 真係大開眼界

今日仲見晒王氏一家, 真係好耐好耐冇見了

祝福你地生意興隆, 大展鴻圖!!

恭喜!  恭喜!!