足不出戶的黃金周

繼小慈生日之後又黎一個連續四日既長假期 -- 五一黃金周!  估都估唔到除左落街買餸同買外賣之外, 我地完全冇出過街呀 @.@  南丫島一役真係重創, 除左黑珍珠小慈, 我地全家都甩皮啊!!  最嚴重係我, 我敏感到要睇醫生食抗敏藥仲要搽類固醇.... 呢個故事教訓我地沙灘係一個極度危險既地方, 下次一定一定一定要搽防曬~~~

難得爸爸放假心情好, 煮左餐飯俾我地食, 味味餸都係家人至愛 ^^

之前訂左個透明落地膠布簾, 識得自己合埋防止冷氣溢出, 簡直係世紀發明呀!

呢幾日天氣炎熱, 11:00 am 就要開冷氣, 溫差之下膠布簾出現霧氣, 低能既爸爸係出面畫公仔, 笑到小慈小明死死下

不甘後人既小明當然畫埋一份

爸爸係屋企, 少不免成日捉住佢一齊打機, 3 個而家轉玩 Skyrim

唔可以成日打機要進行下室外遊戲, 天台打麻雀係消磨時間既好活動

不過真係好曬好熱呀!!  開左個帳篷都頂唔順要撤退

幾好天!  19000 人次去長洲, 排大隊等巴士入大澳, 沙灘堆滿晒人.... 我地留係屋企都係好既

一日三餐加數不盡的零食, 難免....