菠蘿成長日記

之前參觀過菠蘿園, 知道菠蘿可以生菠蘿, 切左佢個頂再種入泥佢就會再生隻菠蘿出黎, 好神奇, 不過要歷時一年半先有第二次收成

我冇估到我家工人姐姐真係會種, 姐姐其實好有心機, 非常鍾意我地個天台, 蔥呀薑呀花生都種過, 有收成架, 有時煮餸時用添!  有一次佢買原隻迷你版菠蘿俾我地做飯後果, 可能個菠蘿太甜令姐姐留低個菠蘿頭黎種, 真係種到呀!!!  歷時一年半, 菠蘿仔就黎可以收割喇~~~

右圖係街市買番黎成熟版既迷你菠蘿, 我地隻菠蘿仔仲要再成熟 D 先可以享用

放兩日假既爸爸又整好野俾我地食 ^^  你睇我地幾好餸, 又蝦又蟹, 真係要好有定力先可以瘦

百街賣既呢隻甜蝦超好食, 自從爭鮮冇得賣之後弟弟幾失望呀, 估唔到超市有

等我都回饋下老公啦!  近來多左時間睇 Youtube 學左好多野, 繼 400 次咖啡後, 呢款自製 OREO 雪糕真係 0 難度, 有齊材料就得!

材料及製法:
2 包 OREO 餅餅 -- 原包研碎, 保留包裝袋備用
鮮忌廉 3 湯匙
練奶 3 湯匙
鮮奶 6 湯匙 -- 攪均後, 放入餅餅, 再攪均
倒入包裝袋, 插支雪條棍就靚 D, 冇都 ok, 放入雪櫃雪, 完成!

不過 D 餅我地放耐左唔好味, 下次買過包新鮮既再整過!

後記~~
用士多啤梨味 OREO 再整雪糕/雪條係好味好多既!

大細郭生都表示好滿意 ^^