海洋公園同海賊王聯手攪夏水戰
帶左泳衣, 點知佢地兩個都唔想玩水!!! 影呢張相時仲俾海賊整古, 小慈成個背脊濕晒.....
大個女, 喜歡清清地圖案既 Tee
順便去埋澳洲
今朝成個 park 都冇人, 好爽呀!
考眼力, 呢幅圖可以見晒澳洲館既三種動物, 找到嗎?
樹熊食既尤加利葉, 好香架
搭纜車了! 因為少人, 工作人員姐姐不用大叫後面排隊, 心情好仲幫我地影相添
今朝仲落傾盆大雨, 之後天陰仲有風, 好舒服啊~
8 年前既今日我地咁岩又係去海洋公園, 面書 look back 弟弟第一次坐纜車既驚青樣, 笑死我, 即場要佢影張當年今日先 :DDDD
未上車前我地玩估估下, 我估我地坐黃色車, 小慈估紅色, 弟弟估最冷門既紫色... 就俾佢嬴左 @.@ 獎品係, 香吻幾個 ^8^
忍唔住喇! 弟弟上山第一時間就係衝去玩動感快車, 去海洋公園就係為左佢!
自信既笑容, 係呀, 呢半年佢明顯高左, 超出左 140 cm 喇~~~~
玩過兩次既老蹟仔不停安慰未玩過既小慈家姐唔駛驚, 動感快車超級好玩云云
小慈家姐大個好勇敢, 今次落車冇爆喊了, 不過要冷靜一下自己, 去左北極之旅睇動物.... See? 真係冇人呀!
當年今日也去探海獅海豹..... 點解佢地大得咁快架?!!
斑海豹受訓中, 小慈好記得佢支黃色波波棒, 佢都受過訓練架 ^^
小慈叫佢地做光頭仔, 游得好快呀
成個館得兩對象牙筷子
Shuuuuuuuu~~~ 佢地交配緊呀!
北狐狸呀!
最鍾意都係公仔, 不過今日已經買左 Tee, 摸下就算唔買了
係時候去冰極餐廳醫肚, 有人取消 booking, 我地第一次可以坐前排呀
Hellos 靚仔企鵝
岩岩食飽唔可以玩過山車住, 出太陽, 小慈件濕 Tee 又乾左一大半, 係時候玩濕身遊戲啦! 著晒風褸包到自己成粒精子咁玩熱帶激流, 都係濕晒既 :DDD
想去射番人的話一定要經過呢個熱帶雨林探險徑, 見唔見到身後冇咩特別?
呢度既雀仔原來係任佢地周圍飛架, 第一次見到隻咁大既飛出黎! 今日連樹懶阿閃都出埋黎曬太陽, 所有青蛙都出晒, 咩色都有, 超級開心呀!
仲有食生菜既魚
係喇! 係時候喇! 落晒格喇, 可以玩多次動感快車! 明明排隊既時候見到對面島落緊雨, 一時冇為意, 一出車就勁大雨, 過山車速度又快, D 雨打埋黎係痛到痴線, 完全唔可以打開對眼.... 最精彩係我地架車等埋站, 只係一架車既距離, 我地仲要坐車尾, 望住個站, 我地係露天既地方等左 3 分鐘架車都唔郁唔駛埋站, 全車人大叫救命!!??!! 就係呢 3 分鐘既大雨, 再加上架車個坐位係斜斜地設計, 雨水就不停流入, 真係底褲都濕埋 @.@ 好耐好耐好耐都未試過淋雨喇......
落湯雞 3 隻!! 真係非常非常難忘既經歷, 你幾何試過落雨玩過山車丫? 一定停駛架麻! 咁都俾我地遇見, 小明小慈又多左一種新體驗啦!
今日買既新 Tee 大派用場 ^^
盪鞦韆 (超速旋風) 仲唔係最快吹乾自己既方法? 哈哈哈
挑戰 The Flash!! 小慈棄權, 弟弟好勇, 不過一定要媽媽陪
爸爸一直好怕狂轉既遊戲, 但我就認為咩都試下啦, 於是第一次玩呢個雷霆節拍, 因為離心力既緣故, 我地玩到人疊人呀!!! 壓扁左坐中間既小慈, 笑到碌地 :DD
弟弟話想坐晒所有過山車, 點知 VR 越礦飛車要排 75 分鐘, 滑浪飛船都要排 30 分鐘.... 又棄權
望唔望到呀, 係太平洋呀!
太平洋海岸, 上次裝修冇得參觀, 今日等我地黎探下你啦!
你睇我幾靚仔? 又識擺 pose
弟弟話要玩海盜船, 於是我地去海洋天地
依? 原來呢邊都有過山車, 玩完就後悔, 因為呢架過山車真係好瘋狂, 係瘋狂咁撞頭落去個安全架度, 超痛!
跳樓機呀!!! 而家連跳樓機都 VR 埋, 小慈小明未夠歲唔玩得 VR, 仲估唔到跳樓機只係需要 132 cm, 玩唔玩? 弟弟即刻走左去排隊, 小慈捨命陪弟弟 ^^ 故事係講太空人衝出太空又降落地面, 反而我戴左 VR 唔知佢幾時跌冇咁驚, 小慈小明係我旁邊慘叫.... 跳完樓.... 腳都軟
終於都玩到海盜船, 連玩 4 次開心到不得了! 可惜已經 6:00 pm 要落山準備睇雙龍奇緣
兩個竟然叫肚餓要食麥當當薯條, 可能大叫徙左好多力! 買麥當當都要排隊, 於是我去買, 佢地爭取時間玩埋呢個飛天鞦韆, 時間岩岩好
趕唔切了, 落大雨仲要 15 分鐘碌落山, bye bye 雙龍奇緣, 在纜車裡食薯條別有一番滋味
8 年前既今日, 我地買 package 兩日門票連酒店..... 玩到咁攰既時候真係好想衝入酒店沖個涼浸下泡泡浴... 睇番佢地細個既相真係好得意, 好得意!
香港加油!!
回覆刪除光復香港 時代革命
from TW