眨下眼小明已經六年級, 全校至大, 仲係領袖生, 科學科科長同埋搬簿生, 係威係勢! 佢仲話自己暑假原來高左好多, 而家位列第 5, 終於唔係最袖珍系列頭三名 :DDD
6 年級的學生相, 影得好靚仔啊~~~ (媽媽極度迷戀自己個仔中.....)
小明六年級的班主任仍是馬老師
小慈被 Form 1 班主任明太舉薦 Form 2 入精英班, 因為佢全年成績尤其係英文名列前茅 @.@ 真係估都估唔到, 我梗係開心都黎唔切啦, 但小慈就唔係好想, 因為佢唔捨得原先班同學, 我就鼓勵佢話我同我班死黨除左 Form 1 同班之外, 之後完全冇同過班都唔阻我地成為一輩子既好朋友既!
懷住忐忑既心情走入簇新的班房, 小慈話佢有兩個新班主任 Miss 張同埋黃 Sir, 新同學計埋佢有 5 個, 原班升上黎既同學好好感情, 佢坐左係一個完全唔講野既女仔既隔離, 希望遲 D 可以溶入佢地既大家庭啦! 明太又向班主任舉薦小慈繼續做英文科科長, 話佢舊年做得好所以今年繼續 :D
興趣班方面, 小慈決定放棄合唱團專心打籃球, 仲有學校基督徒團契, 小慈今年做左職員呀!! 老師送左張書簽鼓勵佢, 媽媽都好感動小慈有事奉既心志! 榮神益人!!
第一個星期冇咩功課, 不過要做大 project! 弟弟呢份視藝封面需要小慈家姐協助, 兩姐弟細細聲商量攪左大半個鐘, 整得好靚呀!!! 讚!! 弟弟都話 D 同學睇到嘩嘩聲~~
有學返, 有書讀係好幸福, 好開心既事! 多正面思考, 積極向上, 有問題疑難就同爸爸媽媽傾訴, 我地幾時都陪住你地! 加油!
沒有留言:
張貼留言