東壩半日遊

踏入 9 月, 天氣好得不能不作戶外活動!  提摩太團今日去東壩呀!  又因入東壩容易走時腳軟, 我地事先網上預約導賞團, 每人 $100 包車來回在西貢探知館集合. 我地仲遇到好導賞員小茜在車上詳細講解, 真係未出發先興奮呢!

在西貢市中心出發坐旅遊車都要 45 分鐘先到東壩, 行呢就要 2-3 個鐘.  一落車, 大家即刻嘩嘩聲!!  由上向下望, 東霸好宏偉呀!!!

靚到咁, 呢個其實係萬宜水庫黎架!  小明問左好多次即係我地屋企用既水喉水?  係!

好心急, 行喇~~  行喇~~

好可愛, 呢個島形狀成隻海龜咁叫破邊洲, 原本冇分頭同身, 但海浪長年累月侵蝕, 個頭就斷開左!  呢度亦都係麥理浩徑第一段

香港在 1.4 億年前曾經歷了一次極度猛烈既火山爆發, 形成壯麗既六角岩柱群, 係世界極罕見既大規模火山岩柱, 亦因為佢地, 成立左香港聯合國教科文組織世界地質公園!!  成個萬宜水庫就在前寒武紀形成既火成流紋岩地形上, 又在大海上建造, 真係非常值得參觀!

周圍都有講解告示俾你長知識!

六角形岩柱的秘密

見到喇!  見到喇!  由壩頂行到壩底就會見到六角形岩柱, 小慈話佢地好似薯條 :)

真係六角形架

好多超巨型岩壁, 好壯觀!!

S 形岩柱!!  估計係因為岩柱在破火山口內未完全固結時, 再受到地震或區域性下沉影響而扭曲, S 形既裂隙內現啡色酸性火山岩, 入面仲有深灰色既玄武岩

兩個小傻瓜好開心

最鍾意佢地攬頭攬頸

步道全長達 1.4 公里, 一直行到底就會見到木橋步道, 可近距離欣賞海蝕洞

到喇!

呢兩位古怪 B 身後就係海蝕洞

以前要好危險咁爬出去睇, 而家有左呢條木橋步道安全好多!  人齊影張大合照先 ^^

海蝕洞其實係由大浪侵蝕而成, 但自 1978 年水庫建成後有防波堤阻擋, 洞穴就不再遭受侵蝕, 保留昔日形態

行到成身汗, 小明好想用水濕下條冰巾

願望成真!!

水清澈冰涼, 真係好正呀!

時間關係, 我地要行番轉頭了!  夕陽下的我們 :)

大石?  No 啦!  係防波堤呀!  人幾咁渺小

呢 D 係弱波石, 似工字石墩又似錨, 我睇仲似個人字添!

影相既好地方

太巨形, 爬上去都有難度

My sweethearts

小慈都似我架!

唔想行回頭路, 呢班小朋友竟然提議爬過呢堆亂石, 上番去提壩頂!

佢地話都冇咁容易就過左去

我要出埋手先可確保安全

繼續身犯險要爬斜坡

我地由下面望番上去, 佢地幾那些年..... 哈哈哈哈!

防波堤上有 7000 多個巨型錨形石, 一字排開真係極之壯觀

東霸旁邊有一個巨型藍色錨形石, 其實係一個紀念碑, 紀念興建萬宜水庫時犧牲的 5 名工程和建築工人

好開心好舒服好想繼續留低, 但我地架專車 5:00 pm 要回程了

好地方!  一定要 encore!!