最後一次陸運會

今日係小明最後一次參加小學陸運會, 報名參加左 100米跑, 4x100米接力, 跳遠, 同埋全班連埋班主任一齊跑既薪火相傳杯, 小明, 加油啊!

本來最後一年媽媽好想陪你一齊去運動場運動下既, 點知轉左工 11月尤其係星期五都係好忙, 真係好對唔住!  等媽媽送隻新錶陪住你分秒必爭啦 ^^

加油啊~~

小明跑步的英姿, 背心仔太大啦 :DDD

薪火相傳杯, 最後一棒交俾班主任馬老師

馬老師衝呀!!!!

最後係嬴左冠軍既!!  不過時間關係要遲 D 先在學校頒獎!

啦啦隊落力打氣!  愛社加油!!!  小明的頭隱藏中....

鏡頭一轉, 學校假期就係安排學童保健既好日子, 今年亦都係最後一次牙科檢查, 升上中學就要搵自己既牙醫, 好在我地一直都有

洗牙檢查即將開始

小明一隻蛀牙都冇, 一隻牙仔鬆鬆地準備甩, 健康良好, 獲得證書一張以資鼓勵

口腔健康精英獎狀, 好威呀!

咁叻仔請你食下午茶 :D

爸爸牛一

10月22日, 秋秋生日呀!  平日要慶祝就難 D, 不過我都放左一日假陪下我個老公, 兩口子出街食餐晏, 行下街買下屋企野, 眨下眼兩隻小寶貝就放學啦~~

秋秋嫌暴肥貴我地又食得少唔抵, 諗左好耐都係幫襯海鮮打邊爐, 近近地行過去就有得食

牛精小明見到碟牛就開心!  鮮炸魚皮超好味!

最好的生日禮物, 送上 birthday kiss 兩個

漫步街頭

食飽飯返屋企仲要做功課, 整個夜宵鼓勵下弟弟啦

爸爸需要早睡早起, 睡前碌下手機, 有兩個小朋友嗲到不得了痴到實晒唔俾爸爸瞓

把心一橫爸爸話一齊瞓啦, 點知有個小朋友碌黎碌去難以安靜.... 究竟似邊個....?

同佢地瞓真係辛苦自己, 你地都係各自返歸罷啦

成床都係公仔, 一隻都唔肯送走.....

另外一份生日禮物就係要秋秋著西裝等巴士, 展示一個呆, 一個喪, 一個傻

連續兩個月做月會書記呀

提摩太團代表

仲有生日禮物架, 2020 年曆咭仔

係唔係好靚先

生日快樂, 身體健康, 年年有今日呀!

We love you!

聖樂主日獻詩

10... 20.... 唔係猜十五二十, 而係今日 10月20日聖樂主日啊!  初詩既小明弟弟要返去獻詩, 之前因為預備測驗幾個星期都返唔到去練詩, 好在首歌以前唱過冇難度 ^^

程序表好靚呀!

今日獻唱 clap your hands and sing hallelujah

早堂媽媽坐歪左只能影到單邊, 見到弟弟好落力, 開心

中場休息最佳活動...... 圍埋一齊打邊爐!  呀, 唔係, 係打機!  教會哥哥姐姐個個都係高手

午堂人多自然聲威勢眾

仲有哥哥彈琴彈結他打鼓, 成首歌醒神晒!

初詩真係越來越多人參加, very good!

獻完詩就開 party 慶祝更開心

有時間我地仲同牧師師母靖僖幾家人一齊食飯添

靖僖成日叫小明姐姐, 小慈哥哥真係笑 C 街坊

一個呆, 一個癲, 一個傻, 一齊等巴士

西褲黑皮鞋打晒呔, 爸爸今日 encore 做月會書記, 做開有條路架~~

我們的月會主席及書記, 係提摩太團代表黎架, YEAH!  書記既工作除左在台上宣讀議決事項, 之後仲要手抄筆記作記錄, 寫靚 D 呀郭長秋!

教會生活多姿彩 :D

離別看似是一種隔絕

近來, 身邊有好多好多朋友離開香港, 每個我都好唔捨得, 而家呢個仲要係我既死黨, 帶我返教會既姿姿

平時一年至少見 5 次慶祝大家生日, 臨別依依, 我地今晚決定慶祝埋 Cherrie 生日先准姿姿上機

熱熱鬧鬧, Cherrie 屋企又夠大, 叫埋家人都仲招呼到

我地今晚食蒸海鮮同埋一齊拆大閘蟹, 難得我地 5 個都好呢味, 一人兩隻 :DDD

有位小朋友要帶埋功課出黎做

小慈係大家姐

幫手睇住細佬妹

呢位小公主係未來香港小姐

為香港小姐加冕, 好認真架, 唔可以笑

生日梗係要有生日蛋糕, 順便 farewell 埋姿姿! 

生日要戴生日帽先似樣, 小慈 3 歲個年因為唔戴帽差D唔肯唱生日歌!

仲有汽球襯托住

我們的小朋友

兩家人合照

我既姿姿我好唔捨得你呀!  我地一齊讀書, 一齊返教會, 一齊長大, 腦內不斷重溫昔日的點點滴滴

好在早前可以約得番我地第一個主日學老師方潔憫同埋主日學同學仔一齊敍舊, 真係廿幾三十年冇見了!

因為姿姿要執野 pack 箱, 於是搵到我地以前一齊影既相! 當年的我們...... 真係差 D 唔認得自己

呢張係攝於教會冬令會, 以前華惠會一年攪兩次 camp, 一次夏令會一次冬令會, 每次我地都有好多難忘回憶, 友誼亦都係因為天父而得到堅固

開心既時間真係過得特別快, 又係時候講 bye bye

離別看似是一種隔絕, 但我深信友共情在主內永遠不變!

Keep in touch 姿姿!