三星灣

爸爸今日例假, 一早預約今日全家一齊驗眼, 因為唔知驗到幾多點我就決定放埋下晝假, 唔駛趕餐死麻!  咁大家都放假梗係搵 D 野玩啦, 爸爸就提議不如一齊去沙灘, 兩位小朋友當然舉腳贊成! 

勁心急, 不停想催姑娘醫生快 D 幫我地檢查, 不過驗眼呢家野唔急得架麻!  爸爸都怕佢地玩得少飛的士入白沙灣, 今日天氣好好, 唔太曬又有風!

小明完全估唔到香港原來有地方要搭船先可以去沙灘, 感覺好似去左旅行, 駁快艇出島去玩咁呀!

我地隻船黎喇, $20 一位包來回

呢個特備節目令大家都好興奮

話咁快就到三星灣, 小慈揹左成袋玩具入黎玩

最鍾意同爸爸一齊玩, 爸爸今日仲教片石仔添呀

 有左呢個水泡就可以慳番 D 力出多幾次浮台

水清沙幼, 呢個沙灘細細不過好正呀!

水清到可以捉魚, 研究完就會放番佢地落海

有個哥哥徒手潛水捉到條 cat fish 同我地分享成果, 好勁呀!

爸爸體力透支, 係時間要瞓個沙灘微風靚覺

7 年前既今日原來我地都係去玩水, 去澳門大倉酒店玩人造沙灘, 當時小明得 3 歲半, 超得意呀!

一眨眼就大個晒

廣播: 救生員服務將於半小時後結束, 成個沙灘得番小明一個仲玩緊沙, 係時候要沖身換衫走人了

好盡慶呀!  今日間歇性藍天白雲, 令沙灘暖得來又唔熱, 又唔會曬到眼都擘唔大, 好正!

我地就搭船走, 有個勁人爸爸撐 water board 走, 型爆呀!

一上水就不停叫肚餓, 我地今晚豪一豪佢, 去西貢食海鮮!!

小慈勁鍾意芝士龍蝦伊麵食左 3 碗!  小明食晒成碟椒鹽鮮魷 :)

好開心呀!  爸爸既好介紹 ^^