驗眼

暑假時同小慈去健康院驗眼, 原來我唔記得左小明都要定期檢查, 近來覺得佢睇野怪怪地, 成日摔眼又側面望人, 同 D 家長朋友傾開去盲人輔導會驗眼好平, $180 包括詳細驗查如影眼底相、色覺測試、斜視等, 我地只係星期六先得閒, 又俾我 book 到即刻有位喎!  小慈上次驗眼擇界, 50-75 度近視, 咁平就 check 密 D 睇下佢係唔係要戴眼鏡先

冇事呀!  小慈驗完今次近視仲淺左, 兩隻都只係 50 度, 完唔駛戴眼鏡但要定期覆診!

不過小明就大件事啦, 冇驗 10 個月, 之前左眼 300 右眼 150, 而家 Double Up 左眼 350 右眼 300 @.@  仲有 50 度散光添呀..... 嗚嗚嗚~~  不過鴛鴦眼就冇咁嚴重.... 唉

驗眼配眼鏡都唔係辦法, 朋友介紹戴 OK 鏡, 每晚睡前戴既一副硬 Con 改變眼球形狀控制近視, 但小明瞓覺摔眼, 視光師又話佢敏感, 個人又未定性, O
K 鏡應該唔岩佢 V_V  另一建議就係戴 DIMS 鏡片, 可以減慢近視速度, 但價錢好貴, 淨鏡片都要 $3600!!  真係要諗清楚先...

Any 肥, 測完驗天氣又好, 去輕鬆下先啦!  好耐冇去過公園, 我地發現左一個冇人排隊既鞦韆呀!

小明 non-stop fing 左 40 分鐘, 落地唔識行呀 :DDDD

小慈對腳太長成日擦地, hold 住對腳 fing 鞦韆超攰, 完全唔可以挑戰弟弟個紀錄, 玩 10 分鐘都頂唔順

轉戰另一個公園

弟弟身手靈活左好多

明明測驗成績唔好都買禮物, 媽媽真係太錫你啦!  當送左生日禮物架喇 :D

靈魂之窗呀, 唔該好好保護 @.@