中一家長日

不得不讚馬祟真係好好好好!  由派位到而家只係 3 個月, 學校已經邀請家長返去學校了解 3 次 -- 7 月中辦理入學手續、8 月尾聽講座如何協助子女適應中學生活、10 月就有家長日俾家長了解子女在校學習情況, 派番分班試成績, 真係好令人安慰呢!!

一入場就見班主任明太出黎打招呼, 梗係要合照一下啦!  明太好欣賞小慈, 話佢乖, 上堂又好積極答問題, 所以成日請佢食野 :DDD

今日節目好豐富, 各科既老師都會同大家講幾句學習重點, 話咁快就會統一測驗, 計落考試分架

唔合格係要重考的.....

學校 60 周年校慶, 呢條走廊新裝修

學校的歷史牆

入小慈班房見晒中英數老師及兩位班主任, 除左明太, 另一位教英文既男班主任陳 Sir 好靚仔啊!!  上佢堂一定好醒神 ^^

班主任重點解釋欠交 5 次功課就會被記缺點!!!  做左功課但如果趕唔切放入後面呢幾個箱都係欠交, 大家要小心 D 呀!!

即場派發欠交功課紀錄, 由開學到而家, 貴子女究竟欠交幾多樣功課呢?  一張紙一目了然!  小慈非常自豪地 show 俾我睇佢張紙幾咁乾淨 :DDDD

賣大包呢個月係恩恤期, 而家呢張紙既紀錄會一筆鈎銷, 星期一開始就黎堅架喇!  有同學即刻大叫:「早知欠多 D 啦~~~」 @.@

入學時考既分班試成績, 估都估唔到小慈英文最高分 above average, 但數學就要急起直追了!

見小慈適應得咁好真係好安慰!  不枉小明弟弟日日為小慈家姐適應中學生活同認識到好朋友祈禱!

感謝天父保守看顧!!