攝影比賽

教會 80 周年舉辦好多比賽, 我地都積極參與左好多!  除左繪畫比賽、徵曲比賽、廣播劇呢 D 我地真係唔識冇參加之外, 其他如羽毛球比賽、攝影比賽、漂書活動、讚美會、連 80 周年會慶劇都做埋, 真係好積極參與下架!

不過真係估唔到, 我地一家三口竟然會贏左攝影比賽!!  2 個冠軍、1 個亞軍!!!

禮堂大廳展示出我地既得獎作品 ^^

作品要同教會 80 周年有關, 估唔到我在羽毛球比賽同樂日同小慈影呢張咁有動感既相, 就成為左公開組冠軍 :DDD

小慈既「微小的服侍」成為兒童組冠軍 !!

小明既「教會的生日花」成為兒童組亞軍

個獎牌仲有刻名, 好驚喜呀!!!!!  我從來未試過有刻名既獎牌架!!!  多謝天父!

連埋我個羽毛球季軍獎牌, 屋企增添左好多面獎牌!  好榮幸!  好開心!

實在太高興, 去小慈夢寐以求既餐廳食餐好既獎勵自己先!

最鍾意石頭鍋飯既飯焦

小明食完飯焦口喝就最鍾意杯菠蘿冰

我就最鍾意食牛肋骨蟹膏醬飯, 正!

好多謝天父!  我冇諗過我會係攝影公開組冠軍架 :p