今年, 小慈彈得從容左, 身體有隨任音樂搖動, 聽到我好肉緊!
可惜校際比賽撞正第三次呈分試, 不幸中之大幸係下午, 至少學校唔駛請假補考, 不過考完試再去比賽場地就好趕, 感恩我地有御用專車 :D
最後一個出場, 希望小慈唔好等到吽晒, 手指僵硬.....
第一次去沙田大會堂比賽, 環境好 formal, 職員又太嚴謹, 攪到氣氛好緊張
排隊入場了
今次首歌好快, 1 個鐘所有參賽者彈晒, 小慈其實彈得幾好, 可惜有幾粒音甩左, 佢話個三角琴好實 V_V , 應該與名次無緣, 不過我地都好有體育精神, 一個鐘頭後返去聽結果! 呢一個鐘我地好充實架, 食左杯乳酪, 又上噴水池曬住太陽咁溫書, 份音樂 notes 仲吹埋落水池, 小慈笑到肚攣, 我要佢抹番乾我份心血...... 攪東攪西, 時間過得好快
失左手都有 83 分, 季軍 86, 亞軍 87, 冠軍 88, 你話唔失手幾大機會呢....
出年仲彈唔彈呀? 小慈: 「梗係彈啦! 我好想攞獎呀!」
咁就繼續努力啦! 進步中, 指日可待!
比賽的意義
不怕失敗總有機會成功
學習態度最緊要
沒有留言:
張貼留言