御前大江戶

爺爺生日, 一家人慶祝梗係要食 D 好野啦!  網上見有人介紹御前大江戶好食又抵食, 就試下 book 枱, 又 book 到喎!  大人 $340 小朋友 140 cm 以下 $180, 小慈都仲可以當小朋友, 昊昊高大威猛扮唔到了 :D

爺爺生日快樂!  身體健康!

我成日以為係日式放題, 冇估到佢主打爐端燒海鮮, 呢盆又生蠔又鮑魚又大蝦又帶子, 仲有皇帝蟹, 好震撼呀!

辣油花螺同清酒煮蜆都要自己用個爐煲滾先食, 好攪野

迷你版手卷, 岩晒胃口細既小慈小明

弟弟今日胃口麻麻, 淨係食雪糕同雞軟骨, 蝕呀!

仲有甜品前菜生果任攞

呢兩款雪條超好味

任食兩個鐘都真係幾趕, 不過我地已經食到好飽!

爺爺福如東海, 壽比南山!