一年一聚

原先, 餃子團拜係新年舉行既, 點知今年撞著小慈呈分試、面試班、教會又多活動約極都約唔到, 終於攪到復活節先約得成, 點知佢地話餃子團拜就算係復活節都要照派利是喎!  笑死我!

今年勁呀, 因為我放假而秋師傅要開工, 教新工人買料包餃子既重任竟然落係我度, 真係榮幸.... 我閉左關好耐淨係負責指指點點架麻..... 而家要出山, 一早同工人姐姐買材料到落手落腳包足 3 個鐘, 2XX 隻呀!!  真係手都軟好攰架....  呢兩位小朋友只係扮野扮左一陣咋 xp

今日天氣好好, 大家可以上天台行下玩下

新玩具氹到維維哥哥好開心

不過都係鍾意入房玩

秋記咖哩魚旦豬皮已經納入必食菜單

多多都唔夠食

多謝大家讚我既餃子包得靚, 雖然係咁, 唔該秋師傅下次約返你放假既日子先好請朋友上黎呀!

菠蘿竟然大受歡迎

我仲有預備左冰提子同長啤梨, 食生果都食到飽 :)

客氣既朋友仔竟然買左個蛋糕上黎, 唔好浪費俾就黎生日既小慈吹蠟燭, 好攪笑呀!

見到大家食得開心我地就開心, 小慈小明最鍾意有朋友上我地屋企架 ^^

招呼唔到!