學校傳統, 每年 3 月考完最後一次呈分試就會安排六年級入宣道園福音營, 務必所有人都要參加, 依...? 咁岩既? 當年我都係讀基督教小學, 畢業前又係入宣道園, 我仲係晚會當中被牧師講既說話感動, 喊到豬頭咁舉手決志信主添!! 小慈都好驚訝媽媽又係小六去同一個地方 ^^ 揹住一個背囊, 小慈入營了!
裝修過, 呢度靚左呀
教會林姑娘知我地班媽媽關心子女, 變身隨團攝影師影低佢地既一舉一動
小賣部咁多野食, 唔荒餓親啦!
分配宿舍, 6 個女仔一間房, 小慈如願以償瞓上格, 當年我仲係廿幾人一間房架, 而家精美好多
3日2夜福音營既行程表, 形容得好惹笑呢!
開會禮, 分開男仔女仔, 呢幾日都係同組行動
眼利的小明已經見到小慈家姐係邊仲標籤埋添! 勁!
Ice breaking 遊戲
全組合作將 D 波砌成咁
話咁快完成
自由時間, 女仔都係圍圈傾偈, 男仔就去晒打波玩康樂棋
都好, 最終肯郁下
班主任 Miss Kung 同佢地影靚相
無端端多左個男仔, 好在大家冇著裙.....
原始大餐 BBQ 開始~~ 勁呀, 識透爐
小慈話佢食左腸仔雞翼和麵包, 非常飽
營火晚會出現印弟安人好攪笑啊
竟然有同學叫肚餓, 集體食杯麵做宵夜 @.@
晚上的宣道園好熱鬧, 10:30 pm 見周公但小慈話同學太興奮 1:00 am 都唔肯瞓
就係呢個大電話, 小慈 7:00 am 就打俾我同我講:「媽媽, 生日快樂!」超乖女 ^8^
One more Two more.... 晨早起身做晨操, 見凍都識著番件衫
早餐好豐富啊, 大家精神都唔錯噃
同班男同學
呢圍都係
活動筋骨好時光, 打掃營舍
玩遊戲時間
應該係鬥快, 兩組人對決, 鬥快攞波返埋自己組有一分, 人地攞左個波你攞個搥去追打佢而佢又未返埋組, 咁搥就有一分
又有玩收賣佬
膳食豐富
珍貴時刻係應該多影相留念
全班人齊!
難得班主任同佢地一齊玩 ^^
「新的生命路」呢個遊戲我覺得好有意思~ 呢個係一個獨立遊戲, 每人有 $50 宣道園貨幣, 可以去玩遊戲賺錢, D 錢都幾易賺添, 但遊戲既最終目標係要搵到天堂! 小慈初時都有去賺錢, 但賺錢條隊太多人佢玩左一陣就冇再玩, 經過一個活動室, 有兩個天使企係門口, 問小慈:「你係唔係想入天堂呀? 係既話就要將手上既錢俾晒我地當入場費先可以入黎!」 小慈好猶豫, 乜天堂要俾錢既咩? 跟住就有 D 同學係天使身後大叫:「唔好入黎呀! 佢地係魔鬼扮天使, 我俾佢地騙晒所有既錢而家困係地獄唔可以再出黎.....」好得人驚, 小慈即刻走, 終於搵到天堂之路, 入門前天使問佢:「點樣先可以得救?」小慈答:「要相信主耶穌!」於是, 小慈入到天堂, 有呢張珍貴既遊戲證書, 而呢個時候末世既鐘聲響起, 所有人停止活動, 除左在天堂既 10 個同學之外, 全級其餘 110 人都已經死左, 連考第一既 May 姐都死, 佢手上有好多好多既錢但人都死左......
3 日 2 夜真係好快, 清理完營舍換番套校服就出營回校了!
小慈話晚會有好多同學舉手決志, 希望福音既種籽繼續在佢地既心裡發芽, 成為一個得救既基督徒!!
