初詩獻詩暨大食會

今次獻詩, 小明淨係識首歌既旋律完全背唔到歌詞, 咁梗係要阿媽出手啦!  解釋一次先背就明好多, 好記性既小明好快背岩晒 ^^

獻唱 Somewhere there's a song of praise

好好聽 ^^

呢班小朋友個個都好乖

獻詩後既獎勵 -- 開大食會!!  一人整一味拿手小菜, 小慈小明梗係整醉雞翼啦

辛苦爸爸專登速遞返教會, 醉雞翼要凍既先好食 :P

好朋友程曦

簽個大名留念

Buddy Puppy 11 歲生日會

由細識到大既好朋友, 每年都會一齊攪生日會慶祝, 不過今年大家都好忙碌, 補習既補習, 返學既返學, 有下場既有下場, 最後我地去燒烤皇 BBQ 慶祝

2006 年出世既小朋友全部都係狗仔

開餐!!

呢隻鸚鵡真係跟人講野, 成場係度嗌「阿媽」

大型彈彈床, 早幾日落大雨, 彈彈下屋頂既水拋左出黎, 呢幾個小朋友即刻中招

所有襪仔濕晒!  依?  圖片與文字不相符, 大家記得要著褲先真  :D

濕還濕, 佢地除襪都照玩, 最好笑係小明話滑梯頂內層有青蛙呢埋, 笑死!

任食包一張飲品卡換飲品, 寶礦力要加 $8 有點貴, 於是飲汽水

雖然呢度比較細同冇咩野玩, 勝在少人樓底較高都好舒服, 小朋友打機既打機, 摺紙既摺紙都好自娛

Buddy Puppy 7 位小朋友 11 歲生日快樂!!!

3 位靚女, 冬晴已經跑出高人一等 ^^

Happy Birthday!!

我地已經決定下年考晒呈分試又一齊去旅行咯~~

玩具傳奇

香港歷史博物館有玩具睇, 梗係吸引到我地入場啦 ^^

嘩~~  呢排白兵真係冇得輸, 型爆!!

白兵竟然同小明一樣高, 一定係迷你版啦

一入門口就俾堆七彩繽紛既摺紙吸引住

有枱、有紙、有晒指引教你摺, 好正呀!

看圖摺紙, 小明非常有成功感

摺到唔捨得走, 三催四請先肯入去睇玩具

摺飛機、摺紙船、摺車、百合花、青蛙、飛標、心心、天鵝..... 應有盡有, 其實我都唔捨得走 :)

呢堆手造玩具, 我同秋細個都有玩

一入場有好多佈景俾大家影相, 又有超大版玩具俾小朋友玩, 好正

今日假期比較人多, 保安都好嚴密, 我地入展覽館參觀都要 check 飛幾次, 千奇唔好掉左張飛尾呀!  入場見到地下有食鬼追住你好好笑!

見到一大堆兒時玩具, 最開心係我同秋秋!!  呢堆玩具佢玩過, 細個冇錢買西洋玩具, 好多時都係捉棋同玩自製玩具, 劍仔就係玩彈波子贏番黎既

當年係小女孩的我玩過呢 D, 我有個好錫我既姨姨在我 7 個月大時移民美國, 實在太錫我, 所以每次返香港都買好多西洋玩具俾我, 椰菜娃娃係其中之一!  最深刻印象係玩煮飯仔, 我最鍾意切真香蕉因為玩具刀只係切到呢樣 ^^  最曳個次係將舊新既擦膠切碎扮餸咁煮, 炒得咁過癮之後當然俾阿媽鬧餐死啦, 新擦膠黎架, 死女包  >.<

我細佬就玩呢 D, 我地讀小學時老豆揸貨櫃車搵到錢, 好肯買貴玩具俾我地, 但我機械操作非常水皮所以都係睇我細佬打機多

呢堆龍珠 figure 真係厲害!

豬仔錢罌我細個有好幾隻, 次次都唔小心打爛  x______x

非常經典的 UNO, 小慈鍾意張咭寫字, 佢話 R = Reverse 清楚 D 喎

海洋公園竟然出過康樂棋!  小慈小明研究左好耐以前既景點同而家有咩分別

終於見番 D 佢地熟悉既玩具, 藍精靈十分勁!

我的 Snoopy ^^

叮噹呀!!!  係, 係叫叮噹!

小慈小明認識都係因為卡通片而家仲做緊

小雲同小吉佢地就唔係好知因為冇睇

老夫子都係我近來買左 DVD 俾佢地睇先認識

麥兜麥嘜已經係 2000 年代既玩具了

 耍武術一定要識李小龍啦

真人 figure 100% made in Hong Kong

型

唔好唔記得影室外既千幾隻 DUCK 呀!

玩具傳奇去到 5 月15日, 展覽超過二千件跨越多個年代的玩具, 希望令全港大小朋友走進「玩具時光隧道」, 一起探索玩具的歷史和蛻變, 好值得去睇下架!