不過小慈小明已經長大, 一個升五年級, 一個升三年級, ok 既, 雖然冇得一齊去到學校, 至少一齊出門口啦!
小慈五年級既學習目標! 顏色油得好靚呀 ^^
爸爸、媽媽、班主任龔老師都為你打氣, 支持你架!
小明今年訂下既學習目標! 要堅持住啊~
呢張係弟弟既支持鼓勵卡, 佢邀請小慈家姐、我同埋班主任寫, 小明今年既班主任係一位男老師, 叫 何 sir, 希望男人教男仔更能明白男孩子既性格啦~
學校今年係相入面加埋名, 實在對我地呢 D 一頭霧水既家長太好了~~ 感動
放學返黎就急不及待展示俾我睇佢地係學校升左 Le :D
小慈四年級下學期參加左關懷大使計劃, 想當年佢自己一年級既時候, 每個小息都有大姐姐大哥哥入班房照顧佢地, 而家小慈長大左, 有能力、有愛心, 都好應該去照顧番一年級學弟學妹! 關懷大使開學整個星期都要早返到學校幫手, 小慈話：「而家 D 一年級生好堅強, 冇人喊, 有 D 仲好大膽會主動拖住我, 有 D 社交能力又好好, 好快識到朋友不停傾偈.....」 >v<
小慈亦非常開心老師揀佢做領袖生! 三年級下學期既時候老師招聘人才, 點知小慈竟然推左 @.@ 我可惜呀..... 點解唔試下呀..... 失左大好機會呀.... 碎碎念左佢好耐! 終於, 到四年級下學期, 小慈自己走去寫自薦信, 老師亦真係揀選左佢, yeah!!
領袖生唔係講玩, 要入營訓練又要留校訓練, 老師派左本筆記簿仔, 要寫低領袖生口號、領袖生精神等.... 我好欣賞領袖生精神入面其中一項「不怕蝕底」以後逢隔日既所有小息、午息都要當值, 仲要攞住盒飯去守班房! 好笑既係, 小慈負責看守既, 正正就係弟弟個班, 以後午膳就可以對住弟弟食飯啦 :D
兩條彩帶, 多麼神氣!
小明今年都自薦做搬簿生, 話將課室既簿搬去教員室, 又係教員室一見簿就搬上課室, 一日要來回幾次搬住重野行樓梯叫做做 gym 喎! 仲話自己遲 D 大脾會有肌肉, 笑死我喇 ^v^
守則之一「不用爭奪」 @.@ 小明話其他搬簿生不負責任, 小息全部走晒去操場玩得番佢一個人搬野, 照咁睇, 應該冇人同佢爭奪啦~
媽媽 so proud of you two!!
為你地感恩有服侍他人既愛心同埋機會, 努力加油, 要盡責啊!! 叻叻 ^^
沒有留言:
張貼留言