今年中秋

今年中秋我地做節多左位特別嘉賓, 佢就係堂家姐, 小慈小明都係叫佢做姑媽, 於是開飯前係咁叫既：「爺爺食飯, 姑媽食飯, 姑媽s 食飯.....」哈哈哈哈~

姑媽, 姑媽s and 爸爸, 佢地細個一齊住, 一齊長大架!

響應環保, 我地今年冇買螢光棒, 冇買膠燈籠, 不過昊昊唔捨得, 都係買左一筒螢光棒, 三表姐弟分著玩

我地細時邊有呢 D 化學野, 大家齊齊煲蠟放火, 可惜而家連煲蠟都唔俾, 中秋仲有咩玩?  大型花燈會都係製造好多大型垃圾出黎, 完左中秋又係送去堆田, 所以環保呢家野真係....  何必扼殺小朋友童年?  一年一次螢光棒, 少少地玩下啦  >v<

弟弟擺緊有型 pose ^^

新遊戲射螢光火箭!  小慈對手好定, 射得好好, 最高可以射上 8 樓, 好犀利呀!

今晚好感恩, 本來仲打緊風話同月亮緣慳一面, 點知完全冇影響, 大家見到明月都不期然即刻影相

收到無數 whatsApp 祝福圖, 最好笑係呢張  >v<

天氣、人事物都唔係可以憑一己之力去控制、去掌握, 來去如風, 寄居的我們沒有帶甚麼來世界, 也不能帶走甚麼, 只能珍惜所有, 珍惜當下!

中秋節, 人月兩團圓  :)