6 級模擬考試

終於有新衫著!!  套粉紅色裙大大話話都著左 3 年, 今年 6 級考試轉新裝喇!!

見到呢班妹妹拗腰、踢腿、一字馬..... 易過食生菜, 日子有功真係好替佢地開心, 跳舞越來越好睇呀!

陳老師已經教左佢地好多年, 多謝你呀!!

模擬考試非常順利, 希望今年可以攞番隻優!  小慈加油!

保齡球

真係真係好耐冇打過保齡球喇!  對上一次小慈得 6 個月大, 我地爆炸 B 會首次聚會去其中一個媽媽屋企既會所, BB 有 BB 爬爬爬, 我甩身走去碌左幾球 :D  而家小慈都已經就黎 10 歲半了!

好開心今次提摩太團 outing 決定去打保齡球, 真係咩感覺都返番黎呀!  青春, 真可愛青春~~  呢度就係我地既目的地 -- 何文田

我地 book 左兩條齡, 一條有圍欄提防落坑, 小朋友點碌都會中幾支, 自信心大好多啦 ^^

小明第一次玩保齡球, 用最輕既 6 磅波

成個波 fing 出去拋物線 BOM 一聲落地, 心都離埋幾驚條齡凹左  >o<

秋同 Keynes 今朝崇拜要做招待, 阮生係傳道人, 所以三位團友恤衫西褲咁去打保齡, 幾似以前放學一 meet 個校章就去機舖打機既情景  :D

夜晚一齊食飯, 三位「機」民

黑布街附近實在有太多好味既甜品店, 唔試對唔住自己

三位家姐

小慈最鍾意食雲尼拿雪糕同埋焦糖系列既產品, 所以一見到焦糖拖肥特飲即刻叫左一杯

我試黑糖薑汁梳乎里, 好好味 :)

提摩太團大合照, 今日好開心呀!!

2016 主日學結業禮

又一年喇~  今朝要合班, 小慈小明非常主動幫手做招待派程序表

早晨!  歡迎你呀!

結業典禮程序

最開心既頒獎時刻~
啟二班既小明今年又考第二, 我叫佢做「千年老二」

初一班既小慈今年又考第一, 弟弟羨慕到不得了!

考第幾爸爸媽媽都開心, 最緊要你地喜愛神的話語

舊年 miss 左幾堂帶小慈小明出去比賽唔夠 80% 出席率, 嘻~  今年連我都有勤到獎了!  對於爸爸媽媽得獎, 小慈極度興奮大叫, 仲衝出黎幫我地影相添  :)

多謝牧師既鼓勵, 我地係勤到既家庭!  聖經係幾時都讀唔夠既!

多謝導師惠清姨姨

多謝連姑娘既教導 ^^

主日學校, 主日學校, 是我們快樂大家庭!  敬愛天父, 同胞相親, 快樂團契得新生命!  學習聖經, 讚美不停, 聖徒愛主教會復興, 我主命令樂意遵行, 一生一世榮耀主名!!

孔子學院日

尚武藍精靈應理工大學邀請出任孔子學院日既表演嘉賓, 宣揚中華文化, 小明整裝待發喇~~

綵排中

準備好晒, 小明擺左個佢自覺最有型既 pose ^^

師傅介紹佢地出場, 小明今日表演初級刀術第一、二段

終於企到前排中間呢個好位, 叻仔左

好有型呀!!!  (心心眼中)

表演順利結束

邀請台下觀眾上台學武術, 一眾師兄弟一齊教小朋友抱拳敬禮

出拳要配合氣勢「哈 」一大聲, 小明「哈」到露出兩個牙洞, 好賣力  :D

學扎馬, 大脾角度要低到可以放電話唔跌落黎先叫合格

大合照

理工大學致送紀念品

第一次黎 Poly, 小明感覺係呢度好大好大好大喎

武館

尚武文化中心旺角場館於 2016年 8月 28日正式開幕, 小明有幸在師傅既新武館上堂, 好開心呀!

地方小小五臟俱全

恭喜晒陳師傅!!  祝桃李滿天下, 人人學武功 ^^

鳳德豐盛嘉年華

鳳德社區中心豐盛嘉年華崇拜, 由我地教會各個團契互相分擔, 今個星期輪到提摩太團負責, 我地籌備已經有一段時間, 我負責兒童崇拜領詩, 有的負責遊戲、故事、大人崇拜等, 秋秋又幫我整好左個 PowerPoint, 萬事俱備, 點知尋晚頭重重今朝我竟然失聲了 @.@

點算呀??  要唱歌時先黎失聲, 我不依~~ 嗚嗚~~  就係呢個時候, 小慈竟然話幫我手, 寧願缺席一堂游水堂都幫我做代唱呀!!  好乖好乖 ^^

弟弟就話幫我按 PowerPoint, 兩個都好乖, 媽媽好感動啊~~~~

兒童崇拜流程表

今日揀唱兩首歌 - 天陰天晴天下雨 & 小寶貝, 兩首歌都係小慈小明幼稚園時教我唱既, 好好聽, 係我好鍾意既詩歌, 不過鳳德既小朋友年紀有大有細, 要15 分鐘之內學識呢兩首比較多歌詞既歌都有 D 困難, 好啦, 下次揀首容易 D 啦~

阮太故事時間, 主題「溫柔」, 小朋友好投入聽仲有俾反應

Keynes 叔叔 & Gienna 姨姨遊戲時間, 小明積極參與

小慈發揮領袖生 & 關懷大使精神, 主動幫手維持小朋友秩序

合班時間, 我地成個提摩太團幫手派茶點

好高興認識你地呀, 鳳德既小朋友 ^^

太乖, 獎小慈小明食火車壽司

開心到電我  :D

抵錫  ^8^