我係一個路盲、地圖痴 and 睇一大篇英文會心跳冒汗呼吸急速既人, 於是, book 機票、book 酒店、book 車、聯絡、計劃行程..... 等等既重任, 就交晒俾我最愛既老公全權負責啦!!
廉航好平, 但要付出代價! 7:00 am 飛機, 我地打算凌晨 3:00 起身, 4:00 飛的去機場, 5:00 check in 後食埋早餐就上機瞓覺, 點知, 2:30 鬧鐘都未響, 我就俾窗外怪異既風聲嘈醒, 跟住行雷閃電傾盆大雨天文台仲出埋黃色暴雨警告添! 嘈醒埋小慈, 傻妹非常擔心上唔到飛機, 於是我地即刻祈禱, 不看環境不看自己不看人, 只仰望主耶穌得應許麻, 我地成個暑假都為左呢敝旅程祈禱, 天父一定保守看顧我地既, 對天父有信心! 真係好奇妙, 我成日都覺得天父係特別錫小朋友既, 出門口既時候, 縱然不停閃電又聽到隆隆雷聲, 但冇落雨連遮都唔駛開, 計都冇咁準一上的士就落大雨落車又冇雨, 我地滴水不沾安全到達機場!!!! 多謝天父 ^8^
飛機上面有 wi-fi???!!! 係, 不過要錢, 我地都係瞓一陣叉番電罷啦
準備充足, 帶晒公仔枕頭 iPad 上機
話咁快就到新加坡機場, 好靚呀呢度!
搭的士入 Sentosa 本來打算先放低行理去玩, 點知酒店非常好 11:00 am 已經可以 check in 仲即時俾埋房我地, 又送小禮物俾小朋友, 好開心
間房超正, 有碌架床又有梳化床
樓底好高, 小慈揀左瞓上格床對腳伸到直先掂到天花板
呢張係我同秋秋既主人床, 床褥枕頭超舒服, 今晚有覺好瞓, 正!
太肚餓, 酒店 lobby 餐廳有海南雞飯食, 不過份量好細
Lobby 有 LEGO Shop 可以消磨時間
食飽飽就出去玩喇! 住得 Sentosa 就係貪佢夠方便周圍多野玩, 我最鍾意可以行得到去既景點, 小慈小明身後面就係我地間酒店 ^^
開心得很既兩姐弟
扮得好似呀, 笑死我了!
呢條魚尾獅塔可以上去參觀, 係個口度睇風景, 我地既目的地當然不是塔啦!
竟然有人弄蛇, 逼小慈小明試下, 依嘩怪叫話條蛇勁超重, 又驚青, 不過事後話估唔到蛇原來係咁滑同硬
Da La~~~ 我地到目的地喇!
揸車! 揸車!! Once is never enough, that's why we come back!
今日唔多人, 就算係星期日下午排帽都係幾個字咋
弟弟終於夠高又有能力自己一個揸車, 仲揸到超快, 唔叫住都影唔到佢
Family combo 12 rides 包 12 次吊車
爽呀~~ 同埋車仔一齊吊上去, 要冇車先可以 4 個人一齊坐
5 色益多! 非常掛住你呀! 小明話綠色蓋最好味, 小慈鍾意紫色
出去市中心玩下, 我地去 Singapore Flyer..... 個腳底
識英文係有 D 用, 咁都俾佢地見到 fish spa!!!
小慈小明超開心話估唔到新加坡都有 fish spa, 不過爸爸就牙痛咁聲, $30 坡紙 30 分鐘 貴到爆啊.....
周圍行下, Garden by the Bay, hello~~~~~~~~
適逢 4 年一次既奧運, 梗係要影下關於奧運既野啦 :P
查實我地係想食雪糕三文治, 伯伯仲係度呀!
十年如一日都係賣緊 $1.2, 又平又好味
好舒服, 今日唔曬又有風, 散步一流
真既魚尾獅我地黎喇~~
到此一遊一定要影相
好心人幫我地影左張全家幅
太老定, 想食珍寶海鮮又冇 book 枱, 6:30 pm 打算 walk in 已經 full house, 好在佢地不遠處有分店
穿過 clarke quay 呢個大站
呢度好靚呀
Yummy Yummy! 黑胡椒蟹終於食到你喇!!
沖個靚涼~ 好難得新加坡酒店有浴缸, 梗係要浸到甩皮為止啦!
to be continue.....
沒有留言:
張貼留言