快樂既時間真係過得好快, 今日係我地行程既最後一日喇~~ 食完早餐就 check out, 寄存行李後就再入樂園玩, 唔夠時間咋, 如果唔係我好想玩多次 Water Park 先走架, 今日藍天白雲好天到不得了!
要感謝天父先, 今朝發生左件滴汗既事件, 我地去到門口先發現唔見左 tickets! 雖然已經 check out 都返酒店房搵, 可能係 water park 度唔見左?! 又醒唔起.... 唔理咁多, 即刻去櫃枱求救, 好在係經酒店買飛佢地有我 record 可以出番晒 4 張 tickets, 好感動呀~~~
失而復得更可貴, 我地決定玩晒所有未玩過既遊戲, 不過係 hea 住咁玩 ^^
嘩~ 呢度好多人! 星光熠熠耀 Lego
音樂噴泉, 行過真係會有音樂
Observation Tower 好呀! 未玩過順便入去嘆冷氣 :)
爽爆
見到 Water Park, 招牌下面個幾條滑水飛毯好好玩架, 回味中~
呢套聲稱係 4D 既 movie 同環球片場實在相差太遠, 除左有大風效果之外張椅唔識郁真係唔夠好玩
Ninjagq, 型! 今次酒店玩具都係送忍者公仔
弟弟話好耐冇玩青蛙跳, 後面既藍天白雲真係好正
食飽飽冬晴話要做下運動, 佢負責拉小慈上去
弟弟太細要大人陪, 爸爸被逼陪玩扁晒嘴
冬晴話要再玩多次, 爸爸拉完一次手軟棄權, 好在弟弟冇堅持, 玩住 Lego 等佢地都開心
有新發現! 呢度竟然可以砌細 lego, 平時遊戲旁邊既枱全部大粒黎架
小明砌左佢既 dream car
發覺坦克車太笨重, 再發明超長車, 攞去賽道試下個效果先
衝線~~~ 都好快喎!
小慈搵爸爸一齊研究, 弟弟又改裝設計
4 個一齊比賽
起高樓大廈, 個底盆會搖搖下模擬地震以測試你層樓穩唔穩陣
一齊玩大龍過山車, 小明話坐車頭原來冇咁刺激, 龍尾快好多
大型公園遊戲設施, 真係估唔到呢 4 位小朋友決定係度玩捉依因 @.@
原來又係自由砌 Lego 呀! 小慈砌左個圍場
嘩~ 估唔到係咁依砌舊野出黎就有證書同埋禮物
Certified Junior Model Builder ^^
係時候玩刺激既野喇~
你睇佢地既驚恐表情 ^^ 呢架水車係要被人炸先好玩架!
又係要大人陪玩既遊戲, 類似瘋狂咖啡杯
轉到頭暈
肚餓了, 出去食飯, 今次試間泰國野, 小慈想食湯粉, 食食下竟然「卜」一聲, 跟住就同我講甩左隻右上犬齒 @.@ 攪咩呀你兩姐弟一人甩一隻牙!! 太混亂竟然冇影到相, 好在當時叫左杯芒果沙冰可以幫小慈止血... 袋住兩隻牙返香港....
再入場就見到阿默, 好鍾意你呀!
已經諗唔到仲想玩咩遊戲, 於是我地就決定唔玩走去 shopping!! 應承左小慈小明會買零件, 等佢地有多 D 款式可以砌唔同既野, 買下買下買左一大盆, 一磅唔知幾錢我地買左 5 舊水, 爸爸好豪啊~~~
爸爸鍾意呢個摩天輪不過巧貴呢
好入戲的小明, 佢近來做左「表情仔」
馬來西亞 Lego 國旗, 今年 59 年國慶
知唔知佢地點解咁既樣? 扮晒可憐等阿媽心軟......
就係想買呢款 Lego 警察套裝, 同我講屋企唔夠賊仔, 又冇爆破工具喎
酒店門前留影
搭的士去 downtown, 接載我地既的士司機睇黎都係 Lego Fans
Bye Bye Legoland Hotel~~~~~~~
沒有留言:
張貼留言