學校聖誕聯歡會

一年只得一次, 小朋友可以著便服返學!  更加估唔到既係, 小慈小明竟然會願意著公仔衫!!  呢套衫淘左番黎好耐, 終於有機會著喇 ^^

一個扮叮噹, 一個扮鬆弛熊, 勁 cute ^^

小明今日好可憐, 明明著左件叮噹衫返去搶鏡, 點知武術校隊要表演, 好啦, 帶衫返去換, 點知表演完俾 1-3 年級睇, 飲啖水就到表演俾 4-6 年級睇, 自己班開 party, 帶左幾十粒魚蛋返去, 自己一粒都冇得食呀!

好在班主任都有等埋武術班佢地返黎先影大合照

同學仔都好有心, 留番份聖誕禮物俾佢

難忘的 Party!  相信之後幾年聖誕聯歡會都係咁既情況, 冇啖好食!  唔怕!  練武之人好捱得苦!

返埋今日放假喇, YEAH!!!