綵排

非常榮幸, 非常感恩, 小慈小明被邀請做花仔花女!!  早前已經淘左 D 靚衫返黎, 小慈條裙完全岩身, 小明就大左成個碼, 好在可以換之餘教會仲有高手識改衫袖褲腳, 而家 fit 晒!  俾小小大家睇先, 正日應該會再靚仔靚女好多 ^^

今日返教會綵排, 總共有兩對花仔花女, 姐弟配兄妹, perfect match!

妹妹叫小雅, 小明哥哥要照顧小妹妹呀!

哥哥叫思源, 佢只係三年級已經高過小慈, 不過咁仲襯呀!

聽音樂進場, 亦要跟音樂離場, 好叻叻呀!  練左 3 次就攪掂!

進場音樂由周橋拉小提琴及素文姨姨伴奏, 超好聽!

風琴由婷婷姐姐負責, 佢第一次彈婚禮呀!

綵排完成!  新娘 Laura 姨姨請小朋友食朱古力!

好緊張呀!  星期六就係大喜日子喇!  為承恩叔叔及 Laura 姨姨祈禱, 一切平安順利喜樂, 同頌主恩  ^^