幼稚園同學

無錯!  小明 keep 到一千零一個幼稚園同學, 因為呢個同學仔既爸爸係小明爸爸既好朋友 ^^  佢地咁細個點會識 keep 友誼, 梗係家長負責架啦!

小慈發揮大家姐本色, 成晚陪住妹妹玩

小慈:「妹妹, 寫字丫!」
妹妹:「我唔識字喎~」
小慈:「咁畫三角形丫!」
妹妹:「咩係三角形呀?」

小慈姐姐未識處理咁細個既小朋友, 但就真係出奇地溫柔忍耐, 就晒妹妹

妹妹好得意, 識佢咁耐今晚先第一次聽到佢講野, cute!

一部 ipad 就引到小朋友坐埋一齊, 澄澄個下巴仲貼住小明, 狀甚親熱, 澄爸即刻呷醋外父上身, 哈哈哈哈哈~~

玩咩 ipad 丫, 一齊玩玩具好過啦!  呢個紅外線直昇機超級好玩

多謝 Ica 叔叔 Mandy 姨姨

我地今晚其實係爐端燒, 5:00 pm 開爐燒左成晚, 點知呢位小朋友突然要食白飯, 仲添左兩碗!  有時真係估佢唔到

快樂既時間過得特別快, 雖然唔捨得, 唯有下次再一齊玩啦!