運動

爸爸外傷性肩周炎 + 媽媽 OT 眼瞓唔願郁 + 冬天一時冷一時熱 + 芝士火鍋焦糖雪糕好味卻邪惡 + 文牧師跑步 2 個月瘦 12 磅 = 我地終於 dick 起心肝跑步減肥!!!

各自有 10 磅需要消滅, 仲唔 action 的話好快就到夏天一著薄衫就現形 @.@

香港實在有好多風光如畫既地方, 我地就沿住城門河快步「行」一個小圈

我同爸爸跑步, 小慈同弟弟就踩單車

點知, 一跑步就落雨, 仲要係勁大雨個隻!!  全家即變落湯雞

小慈小明係有 D 驚惶失措, 我同爸爸照跑, 叫佢地等雨細 D 先好再踏, 畢竟佢地踩單車點都會追得番我地.  兩姐弟係避雨亭等左一陣, 見雨勢減弱小慈仲識打電話俾我地先開車, 又真係追得番上黎, 有智慧、好勇敢, 更有堅持呀!  叻叻!

仍然有雨, 但太陽偷偷地探頭出來, 很美

好耐都冇試過淋雨, 對小明小慈而言更加係第一次淋住大雨踩單車, 經過馬路邊仲俾巴士駛過既水潑到, 都繼續踏!  睇住佢地既心路歷程係由驚變喜, 最後大叫落雨踩單車好好玩!  好特別!  好難忘!

其實落雨又有咩好怕喎 ^^