初級詩班開 Party

原來初級詩班一年先會開一次 party!  舊年錯過左, 今年當然勿失良機啦!  史無前例有 21 位小朋友!!

多謝 Queenie 姐姐請食 cup cakes

口味既野係隨住年齡而改變, 小慈呢期鍾意食 vanilla

訂多左, 益埋鍾意食朱古力既弟弟

今日 party 好開心, 仲有禮物收添!

一班小朋友一個星期見兩次, 同用歌聲讚美神, 希望長大後可以共行天路成為好朋友, 同路人!

小明 7 歲生日

郭小明 7 歲喇~~~~~  11月尾都唔係好日子, 學校考試殺到埋身, 星期日又要比賽, 正日亦都要返學, 於是遲 D 先出去玩番補祝, 今晚就出去食餐生日飯先啦~~

話晒都係生日飯, 特別小小, 今晚食 D 以前冇試過既野, 小慈小明對個餐牌好有興趣

我地今晚潮食「塔」, 全蟹宴, 有 5 層咁高呀!!  插左支溫度計係度, 夠 100 度就熄火, 食得 ^^

鍾意食蟹就會好鍾意, 五層塔由頂層食到最底層

爸爸最欣賞呢層亞拉斯加蟹, 好鮮甜, 好好味!

壽星仔有大蟹鉗食, 真係大得好誇張

食左幾隻不同煮法既蟹, 弟弟最欣賞底層呢個蕃茄蟹湯鍋底!  先飲一啖蟹湯, 然後插穿個大蕃茄再飲蕃茄湯, 弟弟負責插穿蕃茄儀式 :)

Ta Da~  重要時刻, 壽星仔等切蛋糕 ^^  呢個蛋糕係佢自己揀架

之前行開街, 仲自己揀生日禮物俾自己添!  越大越有主見

Happy Birthday to you, Young Man!!  為左點火同吹蠟燭, 生日係一定要有生日蛋糕的!

Vicky 姐姐同慶賀, 佢初到貴境我就有左, 睇住我個肚由冇變有, 連係屋企穿羊水佢都係見證人!  呢隻仔由細湊到而家 7 歲, 真係特別錫架 :)

縱然弟弟一早揀左生日禮物俾自己, 但正日冇禮物我又覺得怪怪地好似差左 D 咁..... 於是, 我呢個名副其實既「慈」母再買多份, 弟弟當然超級驚喜, 玩到唔捨得瞓啦!

仲有 Joey 姨姨送既 R2D2, 一到手就拆左, 絕對唔會留得番係正日

爺爺俾大利是

好好學習, 天天向上, 生日快樂, 身體健康!!

好多人錫你呀, 恩明 B!  你要抵錫先得架!
今年既生日願望你係話想環遊世界, 不過實現呢個生日願望實在需要儲好多彈藥, 三軍未動糧草都要先行啦, 爸媽知道你好想去旅行就係啦!

7 歲仔, 爸爸媽媽希望你身體健康, 做事要認真, 要專心啊!

Happy Birthday to my lovely boy, Young Man!!!  We love you!

4-5 級章別考試

半年考一次, 小明今日挑戰難度達 4-5 級既章別試

A B C D 4 場賽事同時進行

好朋友仔余信盈同學一齊考試

師母為大家打氣

228 號選手準備出場

敬禮!

每次 3 位選手一齊比賽, 聽住 4 位評判既指令

P 代表合格   X 代表唔合格   O 代表缺席 

小明雙 PP 代表4、5級都合格呀, YEAH!  叻仔!  

佢自己都好緊張架~

合格就可以換印仔同埋領襟章

練得咁辛苦, 終於有回報喇 ^^

小明：「師傅, 我合格呀！」

師傅：「算你啦！」meet 佢面珠 dun

第一次黎呢個林士德體育館, 考核過程好快, 

1 個鐘咩都攪掂晒!

師傅話 6 級開始就好難因為有好多跳躍動作, 

小明, 更加要加油!!

學校開放日

學校對外開放 2 天, 小慈小明兩日都要返學校表演同埋幫手當值, 連媽媽我都有登記幫手做義工 ^^

準備好迎接大量來賓

同學校合照 :)

作為圖書館圖理員既小慈當然要去當值啦

呢度就係圖書館

圖書館彭老師

所有返黎當值既小朋友都有小禮物、零食, 仲有一張獎勵劵

小慈平時就係負責第三街所有既圖書

差不多已經識背晒所有書名, 勁勁勁!

安置左小慈, 媽媽都去當值了!  呢個係我負責既攤檔

小慈當值完黎探我班

彈床好受歡迎, 小慈都忍唔住玩左一次

弟弟都趕來了, 可惜彈床已大排長龍, 玩得 2 次咋

所有當值完成, 我地可以周圍參觀學校同埋去玩了~

肚餓但又唔夠時間出去食飯, 食小食部既魚蛋燒賣就當一餐

師兄教打曲棍球

玩攤位遊戲

好多區內名中學都有黎幫手, 是但入到一間都正呀!

小明一定要我去佢班房參觀

成個班房唔同晒樣, 因為做左攤位遊戲室

Net teacher 好靚女呀 ^^

釣魚學英文

竟然俾弟弟遇到佢最愛既英文老師 Miss Chiang 當值

參觀小明課室

個個醒醒目目

小明既個人目標係要小息完結立即回班房 & 安慰傷心既同學

竟然有兩個同學欣賞佢

發現簿櫃有自己份功課, 仲要係「甲」!  興奮到即刻叫我影相

武術隊在學校屬於皇牌, 好勁下架, 隨便放 D 兵器係度俾大家 feel 下

弟弟鍾意雙刀

仲有呢個好複雜既武器

武術隊要表演了, 弟弟換表演服預備

小明表演五步拳

好有型呀佢地真係!

同學仔陳敬識不停在場外為弟弟打氣, 好攪笑

跟住就到小慈合唱團表演

獻唱我主是我的牧者

參觀小慈課室

呢個係小慈個位呀!  咁近冷氣口唔怪得成日叫凍

男女生都好平均

小慈係回條長都榜上有名 :)

竟然有同學仔欣賞小慈做功課一直都是乙至甲?!!

四年級英文全部寫撩草, 一遍混亂

小慈帶我上天台參觀

紀念學校25周年

小慈話真係成日轉架

第一次搭學校既 lift

平時只可以老師搭, 小慈興奮莫名 ^^

點知出黎撞到班主任繆老師, 嚇一嚇, 哈哈哈!

教員室門外既簿櫃

終於玩晒所有遊戲又答中 4 條 QR code 問題

儲齊貼紙

去換獎品喇~~

滿載而歸

簽名留念

呢 D 相襟章最抵玩!  負責既蘇淅中學話津貼左 $2000 出黎都唔夠派, 真係多謝晒呀 ^^

好辛苦!  返到屋企對腳好似唔係自己既咁, 不過小慈小明就好開心好滿足!  爸爸陪玩左一日, 媽媽又陪左一日, 贏到成枱禮物, 表演又有無盡掌聲, 老師又讚, 同學們又齊心, 真係沒齒難忘!

每個小學生總有一次學校開放日 :)