學校甩牙記

上回講到, 小明 6 歲 10 個月先甩佢人生第一隻牙, 人既身體真係好奇妙, 牙肉會自動梳隙, 預留足夠位置俾恆齒出, 恆齒要出黎, 乳齒想唔甩都唔得!

今次恆齒仲打孖咁出黎, 所以左下顎門牙已經甩甩地, 但崇尚「天然」既小明又係唔俾人掂要等佢自己甩....

放工一見到佢, 大大聲勁緊張同我講「我係學校甩左隻牙呀!!」

事源係小明係學校上武術班, 講師父再見時要合手敬禮, 點知隻手撞到隻牙咁就甩左  @.@  跟住大家都好緊張叫小明去廁所漱口, 仲用紙巾好小心咁包住隻牙袋番黎俾我!

大個仔喇, 牙呢家野甩開有條路, 相隔 2 個星期甩兩隻, 小明都適應得好快, 亦都處理得好好, 叻仔!  而家講野開始有 D 漏風, 好攪笑 :)

今次係學校甩牙, 蝕左冇得食雪糕呀  :D