不過貓貓唔係成日出現, 有時行晒成個街市一隻貓都唔見架! 所以今日當我地追蹤到一隻時, 即刻走埋去, 弟弟依然唔敢主動摸, 但當我都蹲下摸隻貓一下時, 佢突然擰轉身仲企起度, 一跳就跳上我大脾 @.@ 咁大個女真係未試過遇到一隻咁主動熱情既貓!! 於是我攬住佢個 pat 起身搵張櫈坐低抱得佢舒服 D 啦~ 小慈小明望到雙眼發光, 係咁追住問：「點解既? 點解既? 媽媽點解你可以抱到隻貓既?」
我連袋都未除佢就攝左係度瞓覺
成個貓頭吊左係我個袋度
郁都唔郁瞓左好耐仲任摸唔嬲, 真係史無前例
原來隻貓仲有兄弟, 呢隻又係好乖任摸, 不過就冇跳上小慈大脾, 佢有 D 失望架...
我地要食午餐冇辦法再陪你瞓覺喇, 貓貓!!
去九龍城街市一定要食「樂園」呀! 係我地教會既弟兄姐妹開一定要幫襯之餘, 佢地 D 野簡單得黎真係好好食! 蕃茄濃湯通粉, 咖央多, 奶茶紅豆冰, 菠蘿冰係我地既至愛呀!!
沒有留言:
張貼留言