游水

2013 年暑假, 小明升 K3 開始學游水, 第一個冬天就捱唔到, 一上水口震震嘴唇發紫, 仲要次次游完就發燒嚇死阿媽我, 終於 1-3月停學 4月開始番, 之後連 10 月個季都話怕凍, 一停就停半年, 今年小一 4 月黎過, 結果咩都唔記得晒之餘, 換左教練又由頭學起, 一班 4 個小朋友, 有一個仲係同學仔 ^^

斷斷續續攪左兩年既今日, 弟弟終於可以用自由式游到一個直池喇!!

載浮載沉腳仔唔係經常掂到水面令人好唔放心, 教練都要陪住佢

希望呢個暑假, 小明真係可以識游水啦!