釣墨魚

小明對上年第一次釣墨魚念念不忘, 我地今年又黎喇!!  第一次觀塘碼頭上船, 仲近仲方便 ^^

岩岩日落, 咩都鋪上一層金光, 好靚呀~~

幾有意境 :)

雲後太陽 ^^

掌上明日

估唔到觀塘碼頭有個靚公園, 仲有噴霧玩!!

小明即刻癲左

就係呢個感官花園, 入面仲有乾淨既洗手間, very good!!

成個烈艷紅唇咁既團團轉

喂~~  你聽唔聽到我講野呀????

我地隻船黎左喇!!

朋友仔都黎到喇!!

碼頭有好多小魚仔, 小慈小明順便落去等上船

好舒服呀 ^^

開船喇!  難得爺爺都有興趣釣墨魚

掩飾唔到既興奮

好耐冇見既幼稚園同學仔澄澄

好心急

到喇!  到喇!  我地今晚黎到將軍澳, 望住姑媽間屋 :)  Hello, 姑媽~~~~~~

食飽飽先有力 chok 墨魚, 大家開餐!!

開工!!

船家羅太率先釣到第一條, 果然係高手

傳聞打風後會多 D 收穫

Yeah!!  小慈都得左喇!!  佢釣到條魚 ^^

 再釣到兩條墨魚, 好叻呀!!

爺爺都釣到兩條一大一小墨魚!  有交代 ^^

爸爸釣到兩條魚, 我釣到一條, 估唔到釣魚咁容易, 都叫有收穫啦   >v<

我地全家得弟弟一個食白果, 於是佢非常落力繼續 chok, 可惜條魚都係走左....

呢度就係我地既收穫, 魚 x 9, 墨魚 x 11

船家羅太話釣到咩就食咩, 於是煮左魚湯俾我地飲

滾兩滾就咁好味, 鮮魚真係零舍不同, 小慈小明飲晒咁滯 ^^

魚肉都食埋, 超正!!

飲完湯就到上主菜, 豆豉炒魷香味四溢!!

顏色好靚呀~~~

羅太將佢地剪開 33 碌, 俾我地全船 25 人都可以至少分到一舊, 弟弟毫不客氣食左一條!

真係好好味呀 ^^

墨魚高膽固醇, 但若果連埋墨魚汁一齊食係可以平衡番既, 所以唔好介意食到成嘴黑色  >v<

11 條少就少左 D, 但小慈破自己紀錄釣左 2 條墨魚 1 條魚, 好滿足!!  小明就話出年要再黎過!  船家話端午節最多墨魚, 叫我地下年早 D book, 收到!!!