學業成績進步獎

郭小明, 升上小學之後, 英文字完全唔識串, 普通話絕對唔識聽, 溫默書測驗時唔係跌筆就跌擦賿, 最後連人都跌埋落地  @.@  問佢 A 就答 B 完全唔留心, 成績徘徊合格與唔合格邊緣, 口水多過茶, 日日俾人擇名, 次次俾人投訴, Pat Pat 似生釘, 話極都唔聽, 對住佢真係嘔血.....

估都估唔到學期尾結業禮, 小明會俾咁大個驚喜我地 -- 學業成績進步獎  Most Improved Student!!  諗都冇諗過係佢!  連佢自己都唔知, 老師叫佢上台攞獎佢都矇豬豬

知佢今次考試每科都有進步, 最勁既係中文由上學期唔合格, 到下學期攞 A, 其餘都唔差, 但就冇諗過佢勁到上台攞獎!!  睇番張成績表, 佢平均分高左 9 分又真係好勁喎 ^^

老師俾佢既評語係:
「熱心服務。學有進步，宜繼續努力，以求精進。」

爸爸最欣慰係小明普通話攞 A+, 由當初真係唔識聽, 上堂好抗拒到而家攞 A+, 即係 100 分真係超勁架!!  爸爸仲話如果佢再小心 D 謹慎 D, 數學 Science 常識聖經攞 100 分係一 D 都唔難, 佢今次都係差小小, 根本佢份卷就識晒只係錯埋 D 唔小心野, 做漏題目都夠膽屎!

媽媽就真係好驚喜!  好滾動!  講真, 我花係小明身上既時間真係唔多, 溫習時問番佢既野佢識我就冇再理佢, 有時間都走去理左小慈先!  呢 D 係小明既天份, 佢記性好 D 野全部都通, 考試又發揮到就係佢叻仔, 係讀書既材料!  我最希望佢讀得輕鬆, 唔好好似小慈家姐咁追得咁辛苦我顧少個就安樂晒~~

除左派張證書, 獎項仲有紀錄在成績表, 更加有 $50 書券以作獎勵!  好開心呀!!

多謝天父俾我地做父母既有咁大安慰!!

小明, 繼續努力!  加油!!