訓練埋小明既獨立性, 每日為自己執背包, 要有 PTS 7 寶 -- 防蚊、防曬、水、太陽帽、毛巾、手冊 and 筆
總共有 6 組, 小明係第 1 組 Elephant 組既組長
就係同學仔既好介紹, 佢地班有 10 個人參加
本來立銘同媽媽自拍緊, 小明做攝石人黐左埋去完全遮住 @.@ 好在人地媽媽唔介意咋!
一望班大合照
個個古靈精怪, 異常活潑
3 日過得真係好快! 最後一次集隊了, 報數: 1, 2, 3, 4, 5, 6, 7, 齊!
Ng Sir 訓勉中, 話三日裡面今晚黑夜探險表現最好, 最合作, 最少投訴, 冇人嗌辛苦, very good!!
Dismiss!! 弟弟今晚好開心, 天黑行山行沙田坳道, 佢話見到青竹蛇係樹上面打蛇餅, 又見好細隻既盧氏小樹蛙, 大量青蛙, 有一隻仲出黎做運動, 仲有過千隻螢火蟲, 開心到不得了, 好想停低慢慢睇但又要繼續行喎! 梗係唔俾你停啦, 你呢位小朋友睇螞蟻蝸牛都可以睇半個鐘架麻, 個個停半個鐘容咩易天光都未返到屋企 @.@
同學仔蔡立銘
多謝晒 Ng Sir 同埋 Madam 信幾日既照顧, 小明學多左好多野呀!
Madam 信盛讚小明話佢好幫得手, 特別鍾意幫導師! 好有責任感, 去超市買野記得晒成組要買咩, 亦願意攞最重既飲品行大斜路, 表現堅毅! 好鍾意做領導既角色帶領其他組員, 亦都好識照顧人, 有領導才能, 好叻仔 ^^
三日裡面, 小明最鍾意玩攀樹同埋飛索, 未玩過所以勁 high, 其他環節都非常積極參與, 仲話自己會攞獎添! 已經講定出年要再參加 :)
沒有留言:
張貼留言