石澳

一早同小慈小明講定冇左架私家車車來車去咁方便, 我地一年只會去一次沙灘!  今日係中秋節翌日補假, 事前係預左去沙灘既, 不過呢個星期天氣唔好怕臨時取消小慈小明會好失望所以冇講, 點知今朝擘大眼陽光普照梗係出發啦!  已經 9 月, 再唔去 D 水凍架喇!  小慈小明一起身知道去沙灘真係好驚喜 ^^

路程好遠, 我地要轉 4 次車先黎到呢個站....

去到筲箕灣站再搭 9 號巴士直達石澳

Da La~~~  藍天大太陽呀!!!

趁濕水前影番張相先

最鍾意玩沙既小明

弟弟鍾意玩乾沙因為濕沙徒手好難爪

大浪黎喇~  走呀~~~~~

小慈就鍾意玩濕沙話一 PAT PAT 易砌 D

仲埋葬自己添 ^^

我地今日仲約埋姜瑩一齊玩呀!

兩個識游水膽生毛話想要游出浮台 @.@  No 啦!  我怕我呢個呀媽唔夠氣浸死呀  >.<

天氣真係好到不得了!  熱得黎有風, 海水又舒服, 真係好正!

在沙灘野餐真係別有一番風味 ^^  辛苦幗萍姨姨為我地預備呀!

11:00 am 玩到 5:00 pm 呢位小朋友掃晒我成袋小食之後攰到瞓左

一年一次既沙灘之約完成左, 開心 :)