兒女是耶和華所賜的產業；所懷的胎是祂所給的賞賜。少年時所生的兒女，好象勇士手中的箭。箭袋充滿的人便為有福。（詩篇127章3-5節）
在我認為, 兄弟姐妹係一世既朋友, 血濃於水, 父母不能一世陪伴子女, 但兄弟姐妹可以, 我成日同小慈講: " 呢個世界上你只有一個弟弟, 同弟弟講, 呢個世界上你都只有一個小慈家姐, 你要錫佢, 佢亦都錫你, 兩個要相親相愛, 好既野一齊分享, 唔好既野一齊分擔! 爸爸媽媽見到你地相親相愛就最開心, 勝過你地送既任何一份禮物!"
但要建立兄弟姐妹既感情, 責任在於父母! 係, 係父母! 父母一定要公平, 少少少少偏心都唔可以有! 你唔好以為小朋友細個唔識分, 唔識野, 咩都唔知, 其實佢地最心水清, 最好記性, 最坦白亦都最敏感! 特別在意爸爸媽媽既說話表情, 你錫唔錫佢, 佢點會唔知?
做大個個錫細個個唔係必然, 要讚! 仲要狂讚! 大個個就會因為想要更多你既讚賞而更錫細個個! 千奇唔好覺得做得好係應份, 做得好既要多讚賞!
細個個蝦大個個就一定會發生既, 要鬧! 仲要狠狠地鬧! 唔可以始住自己細個就橫行霸道, 扮無辜扮無知冇得扮! 父母有責任將是非對錯灌輸俾小朋友, 唔岩就係唔岩, 做錯就要教! 越細開始教果效越好! 我特別記得弟弟差不多 1 歲時好鍾意打人, 特別鍾意打人塊面, 我估佢鍾意睇人碌大眼怒啤佢但忍住唔鬧佢既表情! 每次佢一起手, 我就捉住佢手仔, "啊! 弟弟摸媽媽面面, 弟弟摸小慈家姐, 噢~ 真係乖, 抵錫!" 做得十次八次, 佢唔再拍一聲打人塊面, 而係真係細細力摸你, 再加錫一啖, 從此冇再郁手打過小慈家姐 ^8^ 邊個話小朋友唔識野? 你唔教佢咪唔識羅! 兄弟姐妹 friend 唔 friend, 相唔相親相愛? 佢地唔會突然間錫對方, 愛死對方架麻! 父母要幫佢地, 要管教, 最重要真係唔好偏心呀!
為人父母係一門好高深既學問, 絕對需要天父賞賜智慧, 共勉之~~
原文來自以下網址 ^^
http://best.parenting.com.tw/blogger_article.php?w=1212
沒有留言:
張貼留言