校車到先出去排隊, 放學仲早半個鐘返到屋企, 好正!
因為小一新生, 頭兩日家長可以入校園睇小朋友上早會, 於是我跟同學仔媽咪車返學校, 仲早過佢地落校巴, 弟弟一見到我開心到不得了~~~
呢個笑晒飛奔埋黎攬住我既表情會陪足我一世 ^^
返到學校第一件事就係拍卡同放低書包排隊
小慈三年班新班主任穆老師
弟弟條隊係小慈家姐前面咋, 好近
排排下隊弟弟已經同班主任傾偈, 傾左好耐班主任王老師仲摸佢個頭!!?? 事後我八卦問弟弟同班主任傾咩? 弟弟答我:
"王老師係我地既班主任, 藍老師又係我地既班主任, 咁我地個班房咪好綠羅!!"
("王" 加 "藍" 變綠) 真係...... 咁都聯想到唔怪得王老師摸佢個頭 @.@
認真地祈禱的小明, 特別乖 ^^
小慈家姐極度關注照顧弟弟, 已經約定小息會落去班房搵佢, 仲叫弟弟一打鐘就去廁所, 佢又一打鐘又衝去廁所, 大家都去完廁所小慈去課室就一定搵到弟弟嘞! 媽媽聽到真係好開心, 小慈係由心度錫弟弟架 :)
一年班唔可以去小食部買小食住, 小慈家姐已經話: "弟弟, 你想食咩我買俾你!"
好藍既藍老師, 佢都曾經係小慈一年級既班主任 :)
搵到朋友仔喇!! 兩對姐弟同一間學校
恩恩 4 年級, 小慈 3 年級, 諾諾 2 年級, 小明 1 年級! 4, 3, 2, 1 ^^
著運動衫既小明
要帶書返學所以用大書包, 經典既相一定要影低, 書包揹到落 pat pat ^^
放學返黎名牌滿佈貼紙, 仲有老師送既禮物! 弟弟話會自己伏低安靜又有舉手答問題既小朋友先有架! 真係超乖~~
開學非常順利, 小慈家姐幫我地做晒照顧弟弟既工作, 學校既野邊個夠佢熟先? 簡直係最佳人選, 但連網上功課都教埋, 小慈真係乖到不得了啦!!
努力加油做好學生本份呀, 小慈 & 小明!
沒有留言:
張貼留言