畢業相

等左好耐, 終於有弟弟既畢業相喇!!!  一句講晒: "好靚仔!!!"

影到弟弟肥嘟嘟, 好少見佢咁一本正經呀!

仲有埋背景道具, 呢個 package 真係抵呀 ^^

我最開心係收到呢張通告, 非常榮幸亦勁興奮!!!  好多謝老師校長對恩明既肯定及鼓勵!

5 個獎, 真係一時無兩 ^^  感謝感謝天父, 榮耀歸你!!

2014 假期聖經學校

暑假重頭節目之一假期聖經學校開始喇~~~ !

小慈十分期待返假校, 因為教會 D 哥哥姐姐真係超攪笑, 日日返去玩點會唔開心先 ^^

大會主題 -- 石頭家族

淨係睇咁大型既佈置已經非常開心

小慈一早返去報到

都係用聖靈果子做組名, 小慈今年係和平組,  試過恩慈在恩慈組架  :)

和平組導師楚珊姨姨, 辛苦晒~~

朝早多數係上堂

小慈幾努力

手工時間 -- 石頭家族梗係要畫下石頭啦

烹飪時間 -- 派餅乾自己用方法整碎佢

努力整緊曲奇

完成!!

小杯朱古力曲奇雜碎者哩, 都幾好味

假校 130 多位小朋友及導師, 每日既肚仔就係靠教會既姨姨親自下廚烹調新鮮美味午餐

有時煮粉, 今日係炒飯 & 豉油雞翼, 小慈話好好味, 有小朋友添 6 碗飯麵, 真係估唔到咁好食!

每日下午就係遊戲時間

傳波仔

做咩瞓晒係地下?

原來係憑記憶畫番 D 畫出黎

中間係原稿, 小朋友又畫得幾好喎!

咁多野玩, 返假校點會唔開心?  小明極度期待出年小一佢有第一個暑假就可以跟小慈家姐一齊返假校 ^^

小小消防員

小慈小明好鍾意打工, 俾我發現有得做消防員, 梗係即刻幫名參加啦!

課堂由猛料既 Eric Sir 主講, 佢係前香港消防隊長, 現擔任消防救護員入職培訓導師, 真係消防員黎架

訓練包括 : 熱身運動/體能訓練, 消防知識訓練包括 : 消防員裝備/火既形成/預防火警既方法/滅火筒既種類 - 水/泡沫/乾粉/二氧化碳.... 等等, 小慈話好似上緊常識堂呀

分組玩遊戲 - 朦眼扮消防員進入滿佈濃煙既火場

火警發生時煙向上升, 應該用濕毛巾掩口鼻盡量蹲下避免吸入過量濃煙, 小朋友爬完隧道就要憑感覺搜索傷者, 搵到先叫任務完成, 弟弟話個傷者冇樣好核突喎.... 真正入到火場見到既野先最核突呀

一組玩緊, 其他小朋友就睇關於消防員既卡通片

最後聽口令表演紀律步操

頒發證書

呢兩位消防員好醒目

大合照

射擊訓練完滿結束

4 堂既親子射擊訓練話咁快就完成, 真係好好玩, 好唔捨得!

呢 4 堂我地學左氣槍基本操作, 包括揸鎗姿勢/上彈/換彈夾/走位, 練習準繩度及速度, 認識靶場安全守則, 靶場口令, 計分法, 亦有單靶及多靶訓練, 仲有玩射擊比賽添

小慈學緊快速換彈夾

兩姐弟最 ENJOY 入 BB 彈既過程, BB 彈要絕對乾淨, 跌左落地射過都唔會再用, 怕 BB 彈已經裂左碎左會塞住槍管, 所以只會用一次

擺好個陣, 我地玩最後一次射擊比賽喇, 呢個場要射 11 槍, 4 個紙靶 2 個人仔 1 個 stop plate, 每人有 18 發子彈穩陣可以換彈夾, 代價當然係時間上會用多左啦

IPSC 口令

Range is hot
(靶場即將射擊)

Shooter, you may Load and Make Ready
(入彈夾拉槍架放槍在枱面/槍袋)

Shooter, are you ready?  Standby
(Timer start bit 一聲, 開始射擊)

If you are finished, Unload and Show Clear
(完成射擊退彈夾拉槍橫架, 等裁判檢查)

If Clear, Hammer down, Holster
(檢查完畢, 放槍架, 拉一下空槍, 放低槍)

Range is Clear
(場地安全, 可離開)

當人仔射 3 槍都唔跌, 我地會叫佢做不死人, 可向裁判投訴, 裁判會親自射一次都唔跌就上訴得值, 呢兩位小朋友係度咋死

Ken Sir 帶左支勁野黎俾我地開眼界

計分, 估都估唔到我竟然第一名, 雖然我有兩槍 Charlie 但我時間最快所以贏左, YEAH!  爸爸今日唔舒服, 平時佢係又快又準個個黎架 (可能讓我 >v< )  小慈都唔錯呀小朋友黎計佢係第二名, 仲係唯一一個女仔 ^^  小明因為踩界開槍, 俾人扣晒 Position Error

多謝 Ken Sir 用心教導, 令我地大開眼界

後會有期~~

CHOK 墨魚

一直都好想再釣墨魚, 但一家人好難成事, 估唔到同朋友仔傾下偈, 竟然一呼百應即慶去釣墨魚, 事就這樣成了!  安排仲非常之好, 有得揀食飽飽先上船 OR 上船先食, 我地咁多細路, 梗係食左先啦, 仲係海鮮餐添呀~

仲有飯後甜品

我地班朋友仔都到齊

我地隻船黎喇

一班小朋友好乖咁坐船艙, 坐左....... 3 分鐘

按捺不住, 全部出晒去探險

船頂都上埋, 隻香蕉船好吸引呀!

風景如畫~~  雖然烏雲蓋頂只係回航先落大雨, 回程搭車返屋企又冇雨, 非常感恩 ^^

我今日單拖因為爸爸怕暈船浪唔去, 點知今朝仲發埋燒, 好在冇同佢報名監佢去咋

開始喇, 每人派一個魚排, 小明第一次釣好緊張

放長線, CHOK 墨魚

船家話要天黑齊先會 CHOK 到, 真係呀!  小慈第一次釣到墨魚勁開心, YEAH!

媽媽都身手不凡 CHOK 到一條, 不過墨魚毛身輕如燕, 唔收線都唔知自己釣到, 真係好驚喜

小明耐性唔夠我又怕左佢個八爪魚鈎, 於是佢放棄釣魚改為羅住個盆邊度有呼歡聲佢就去收墨魚, 不過見佢震滕滕咁捧住行, 幾驚佢將大家既心血結晶倒晒落海呀  @.@

今晚全船 40 人釣到 19 條墨魚, 仲有 3 條不知名小魚, 都好開心架喇, 我地未上船之前碼頭好多檔都潑冷水, 大大隻字寫住 "墨魚不見了!!"  仲話 6 月當造時墨魚既份量都少, 我地以為今晚食白果架

好在 19 條墨魚毛炒埋都有一碟  ^^

自己釣既特別好味!!

無份釣既都食到停唔到口  >v<

尋晚小慈既祈禱係求天父俾我地釣墨魚有好既天氣同埋俾我地有收獲, 好明顯天父聽左小慈既祈禱!!

耶穌喜愛世上小孩, 世上所有的小孩
無論紅黃黑白棕都是耶穌心所愛
耶穌喜愛世上所有的小孩

多謝天父  ^8^