探舅父

舅父搬左去天水圍, 山長水遠, 真係要放假先可以去探佢!  不過搭西鐵都比我想像中快, 仲有免費接駁巴士直達村口, very good ^^

咁熱切期待去探舅父, 其實小慈小明係掛住佢 d 貓  :)

貓貓自成一閣, 困獸鬥冇得走, 任摸  ho ho ho~~

舅父 d 貓隻隻肥大肉厚, 一定係好食好住之故

摸下啦, 小慈!  D 毛好滑架

開心到不得了~

2013 年最後一個主日

12月 29日, 今日係 2013 年最後一個主日竟然有驚喜....

小慈主日學考試 100 分呀 :)

雖然係填充題, 但要背晒咁多句金句都唔容易, 仲要我根本唔知佢考試完全冇幫佢, 更加叻叻呀!!

 主日學跟書教, 課本其中一頁係講主耶穌針十架, 我看了很感動

連手工都教埋

小慈送俾主耶穌的心!  I Love You too, Jesus  ^8^

跟住又收到文慧姐姐親手整既 cookies

又得意又好味!  多謝你既愛心成日氹到小朋友好開心

果子樹上大家都放左好多恩慈, 小明忍唔住要食 "恩慈蘋果"  :p

雜果兵團

一年一度聖誕合家歡兒童音樂劇 -- 雜果兵團

開 SHOW 喇~~~~

一如以往, 我地約埋成班朋友仔一齊睇, 辛苦晒柏弦媽媽買飛 ^8^

小朋友仲可以整杯真係食得既蛋糕仔添!  非常俾心機放入配料醬汁

仲可以同工作人員一齊影相

仲表演唱歌, 大大個人羅住支 Ukulele 真係好攪笑

每位小朋友仲有神秘禮品包, 係聖誕帽同粒小流星黎架

坐定定開場了~~

一路青空繼《金菠蘿戰士》後，台前幕後原班人馬，打造全新瘋狂奇幻聖誕 Party

流星雨的晚上，外星自由行太空旅行團再次登船出發，穿越宇宙銀河，走訪九大行星的地球。五星級的旅程，竟遇上意外，外星細路 BoY 㩒錯緊急制，逃生倉脫離飛船，一個人降落地球。BoY 在設法找尋回家方法時，遇上了同樣是被遺棄的流浪狗狗阿狼和模特兒洋娃娃Jessie。三個完全不同物種的雜牌兵，決定一起出發尋回一樣他們最重要的東西，那個晚上，他們擊掌結盟，成為－「雜果兵團」原來，狗狗和洋娃娃的秘密身世之謎是..... .外星細路 BoY又能否回家？ 一個友情和成長的旅程即將展開......

Jessie 1 and Jessie 2

我個名叫 Jessie!  Jessie!  我黎自英國!  英國!

CAT

一班小演員好可愛

玩具舊了, 棄之不要?  貓狗長大頑皮, 把牠們送走, 可知牠們會有怎樣的下場?

故事發人深省, 有 TOYSTORY 的影子.......

國際充氣遊樂園聖誕嘉年華

西九龍海濱長廊又變身, 上星期仲係自由野, 今個星期變左 "自由彈" ^^  係小朋友見到都會尖叫既吹氣彈床呀!!

見到喇!  見到喇!  身後個排彈床我地黎緊喇!!!

大草地係西九既特色

第一時間向高難度挑戰, 去滑雪喇~~~

又長又斜既彈床最岩兩姐弟, 幾辛苦都要爬上去

小明最鍾意呢個 Polar Bear 同企鵝

High 爆 ^^

好多遊戲要 5 歲先有得玩, 弟弟岩岩夠稱  :)

唔叫停小慈係影唔到佢相既, 跑得實在太快

 輕易爬上山頂既小慈, 藍天冇雲, 天氣非常好

弟弟爬呢 d 就有 d 吃力, 好在有條繩幫下

影到弟弟既興奮表情就值回票價

玩到襪都冇埋?  唔係, 有 d 彈床太難爬上去, 職員要求小朋友除襪

呢個叫 Soft & bouncy 既彈床我覺得最好玩, 好似去左一塊軟芝士上面, 又似去左一個識浮既海面咁, 任跳任彈完全瀉力, 好包容既感覺

你睇小慈幾投入, 辮都飛起埋

買左全日任玩套票, 所以大大小小高 B 低 B 既彈床, 全部玩晒

玩得多就識野, 兩姐弟一入去就知中計!  冇滑梯既?  不過係入面狂跳都開心

迪士尼 fans 梗係要幫襯下 Mickey

仲有 Pooh Pooh

弟弟話呢架火車好逼真, 入面因為撞山著火要跳車叫救命

最唔好玩就係呢個 Jurassic Adventures, 排足 40 分鐘玩得 3 分鐘都算, 太直既梯及要兩個哥哥推 pat pat 一個姐姐係山頂拉先上到去, 所有小朋友辛辛苦苦爬上山頂岩岩先滑番落黎想爬多一次之際就夠鐘...... 玩到罵聲四起 XYZ@#%$#^&#$%%

同場除左彈床, 仲有呢隻船仔非常好玩, 兩姐弟玩左 3 次, 抵晒!

呢個扮水晶球既彈床真係好靚, 只可惜條龍完全唔見尾, 都係影相就算

場內仲有好多小攤檔, Bubble 槍叔叔借左兩支槍俾小慈小明任玩, 做生招牌引左好多小朋友黎幫襯, 叔叔即刻好開心  :)

由開場玩到收檔, 今日好盡慶!  辛苦晒爸爸幫手排隊, 小慈小明先可以不停咁玩!  Kiss Kiss Kiss ^8^   ^8^   ^8^   多謝爸爸!!