打電話

尋日三號風球, 小慈就歡呼一聲 "放假喇~~"  今朝都仲係三號風球, 小慈就 "下?! 又黎?  我好鍾意返學呀...."   小朋友既心情簡直就如天氣一樣~~

我好少會打電話返屋企, 除非有野要提工人姐姐做 or 臨時有事,  好似今晚咁, 突然要 OT, 於是打番去吩咐姐姐開飯俾佢地食先!  因為少打電話, 所以佢地一聽到電話響就好興奮搶住聽! 

小慈會話: "I want to talk to mama"  

弟弟會話: "I want to 喂" 

今晚仲估唔到聽電話既係小慈, 無師自通地識得㩒聽電話制, 仲要一開聲就話:

"媽媽, 我係小慈呀!  點解你仲未放工既?  我同弟弟今日好乖, 冇玩推黎推去既遊戲, 有分享有排隊冇喊呀!  我仲有自己練琴添呀!"

跟住到弟弟, 佢係一輪嘴咁講既:

"媽媽, 天黑架喇, 點解你仲未返黎?  咁耐都唔返黎, 你返咁耐工既?  你成日都唔返黎, 日日都唔返黎!  快 d 返黎啦, 我唔見左你呀!  你去左邊度呀?  太陽伯伯都收左工, 你都要收工架喇!"

好啦, 聽阿仔話收工啦!!  入到屋我笑左出黎!!  明明係工人姐姐幫小慈扎頭髮, 點解弟弟會變左樣?  真係笑瓜我喇 :)

小明都好滿意自己既造型

D 頭髮咁幼都扎到, 好野呀!

太似一個靚女喇~~

笑死我

感謝天父, 我既仔女真係真係好可愛!!