結婚 8 週年

今日海馬襲港, 天文台發出 3 號強風訊號, 一早返工差 d 俾風吹走, 大風大雨到呀....  雖然天氣唔穩定, 我同老公都決定出街食飯慶祝慶祝, 就近近地係番屋企附近食, 大風大雨渣長途車危險呀!  揀呢間餐廳因為鍾意佢個名 -- 2+2, 我地 6月22日結婚, 岩晒 :)

呢位仁兄既食相真係笑瓜我喇  XDDD

幾快已經食甜品!

呢間 buffet 冇分上下場, 任食, 不過我地情牽小寶貝, 速速歸家~~

打風唔駛返學, 呢兩位小朋友今日係屋企行行企企, 無所事事, 一聽到我地返屋企開心到大叫!!  弟弟仲薄責我地做咩天黑都唔返屋企咁夜先返黎, 話我地下次唔可以 @.@

爸爸真係錫佢地錫到濃!!  結婚週年紀念係買禮物俾兩個心肝寶貝, 老婆的呢?!!!

不過見佢地玩得咁開心真係最好既禮物

樂此不疲, 聚精會神

最鍾意就係爸爸啦~

一家人齊齊整整, 健健康康, 笑聲笑聲滿載溫馨真係最大既祝福!  感謝天父, 賜我地豐富, 恩典夠用 !!