換季

學校本來定左 5 月 3 日先換季, 點知小慈尋日返黎就話好多同學仔已經換左, 又話自己出晒汗 @.@  雖然都未熱定, 又怕學校開冷氣, 小慈話凍會自己著外套喎!  好啦, 換就換啦!  男 model 示範新款童裝, 今年夏季必著 ^^

最好笑係小慈話: 

"弟弟你著呢件校服真係好得意呀!  爸爸, 點解弟弟條褲咁長我咁短既?  我想我條褲好似弟弟咁過膝頭哥呀! "

真係笑爆嘴 XDDD  實情係弟弟腳短, 買到最細件校服都仲係好大, 差 D 變長褲 :)

同場加映小明大作一份!  

大蝴蝶一隻, 小明好自豪, 佢話係佢自己整, 吸住個名係後面

小慈都有, 上星期已經神神秘秘話有驚喜俾我地, 我問佢係咩驚喜, 小慈就話整左隻貓, 係一個鐘黎架, 好快就會帶佢返屋企~~   (証明小慈係唔藏奸既人, 問多佢一次就會講晒出黎) XD

小慈話已經幫貓鐘化左妝, 眼睫毛好長係一個女仔黎架!  貓貓好開心, 所以佢個心係度笑緊

我就即場利用呢個貓鐘, 要佢既晚餐一定要係 8:15 pm 之前完成!  7:30 pm 開飯, 小慈 8:00 pm 就食晒, 非常湊效!!!  好叻叻!

學校仲派左呢粒魰豆放係我地屋企寄養, 唔知發生咩事, 一日就種到佢成棵蔥咁~~